ЦИПУ-йы фæсивæдон политикæ æмæ социалон фæрстыты фæдыл управленийы разамонæг Ханайты Измаил архайдта Мæскуыйы Н.Э.Бауманы номыл МГТУ-йы Æппæтуæрæсеон студентты бинонты фестивалы. Æрныхас дзы кодтой æрыгон бинонтæн æххуысæн арæзт æмæ аразинаг фадæттыл.
Фестивалы архайдтой Федерацийы Советы сæрдар Валентина Матвиенко, УФ Хицауады сæрдары хæдивæг Дмитрий Чернышенко, Уæрæсейы ахуырад æмæ наукæйы Министрады сæргълæууæг Валерий Фальков.
ВЦИОМ-мы бæрæггæнæнтæм гæсгæ бирæ сывæллæттимæ бинонтæ фылдæр кæй сты, уый фæнысан кæнгæйæ, радзырдта Хицауады сæрдары хæдивæг Дмитрий Чернышенко, паддзахад куыд æххуыс кæны æмæ сæм дарддæр цы хъуыдытæ ис, ууыл. Уый раарфæ кодта Валентина Матвиенкойæн, Федерацийы Совет кæй ныффидар кодтой закъон, ахуыр чи кæны, уыцы сылгоймæгтæн æнхъæлцау æмæ ныййарыны фæдыл æхцайы фæрæзты нымæц фæбæрзонддæр кæныны фæдыл, кæй ныффидар ахæм æмбарынад, куыд «студентты бинонтæ» æмæ уæлдæр ахуырадон уагдæтты бинонты политикæйы проекты райрæзты фæдыл. Бафтыдта ма, хиуыл кусыны бындурон фадæттæ, уый хыгъд студентты бинонтæн, кæй бавæрдтой националон проект «Молодежь и дети»-йы.
Фестивалы сæйраг фæстиуджытыл нымад æрцыдысты уæлдæр ахуырадон уагдæтты бинонты политикæйы фæдыл эффективон фæндонты бахаст, студентты ‘хсæн бинонты традицион уагæн аргъ дæттын.
Студентты бинонты I Æппæтуæрæсеон фестиваль ацыд Националон проект «Семья»-йы фæлгæтты, йæ сæйраг хæстæ – бинонты æгъдæуттæн аргъ кæнын æмæ студентон фæсивæды ‘хсæн парахат кæнын бинонтæ саразыны хъуыды.
СОГУ стал участником первого Всероссийского фестиваля студенческих семей