Поселок Спутникы æфсæддон хай райсдзысты ЦИПУ-йы Æфсæддон ахуырадон центры 87 курсанты, 33 боны дæргъы ацæудзысты æфсæддон тренировкæ пъалигон «Тарский»-йы.
Студенттæн уыдзæн фадат интенсивон цæттæдзинад райсын, физикон, иумæйаг æфсæддон æмæ рæнхъы лæууынæй фæлтæрд, уымæй уæлдай базондзысты хæцæнгарзæй æмæ нырыккон хæстон техникæйæ пайда кæнын. Уæлдай цæстдард цæудзæн психологон фидардзинадмæ, хъæбатырдзинад, ныфсхаст æмæ фæразондзинады миниуджытæ æвзæрын кæнынмæ.
Æфсæддон ахуырадон центры хицауы хæстæ рæстæгмæ æххæстгæнæг Александр Статурæ куыд зæгъы, афтæмæй ахуырадон æмбырдтæ фидæны офицертæн æххуыс уыдзысты теоретикон зонындзинæдтæ ныффидар кæнынæн æмæ райсын практикон фæлдæрд сæ службæйы хæстæ æххæст кæнынæн.
Зæгъын ма хъæуы уый дæр, æмæ Æфсæддон ахуырадон центр кусы 2019 азæй æмæ цыппæрæм хатт рауадздзæн курсанттæ. Уæдæй нырмæ йæ ахуырадон программæ зынгæ фæуæрæхдæр, уый та ахъаз у квалификацион специалисттæ бацæттæ кæнынæн.
Рауагъдонтæн ис бирæ гæнæнтæ нæ бæстæйы сæраппонд лæггад кæнынæн æмæ алы æфсæддон-ахуырадон уагдæтты дарддæр уæлдæр ахуырад райсынæн.
Æфсæддон цæттæдзинады программæ ацæугæйæ æмæ Æфсæддон ахуырадон цæнтр фæугæйæ æрыгон специалисттæн уыдзæн дарддæры профессионалон рæзты уæрæх гæнæнтæ нæ бæстæйы æдасдзинады органты.
Курсанты военного учебного центра СОГУ приступили к учебным сборам