Цæгат Ирыстоны Хетæгкаты Къостайы номыл паддзахадон университеты ахуыргæнæг Зурати Альбинæ бакаст лекци Республикæ Цæгат Ирыстон-Аланийы прокуратурæйы разамынды Советы æрбадты.
Мадзалы архайдтой районты прокурортæ, зондамонджытæ æмæ Æппæтуæрæсеон ветерантæ æмæ пенсионерты прокуратурæйы регионалон хайады минæвæрттæ.
Фембæлды сæрмагонд темæ уыдысты разамынды психологон аспекттæ, сæйрагдæр, фæлтæрд кусджытæ æмæ æрыгон специалистты ‘хсæн ахастыты хицæндзинæдтæ
Ахуыргæнæг йæ лекцийы бæстон æрдзырдта, разамонджытæ æмæ зондамонджытæн сæ хъус цæмæ хъæуы æрдарын æрыгон кадртимæ кусгæйæ, разамынды процессы ахæм ахсджиаг фæзилæнтыл.
Альбинæ ма скодта практикон тренинг дæр, равзæрста, дæлбар уæвæджы цур хæстæ сæвæрыны цы рæдыдтытæ сæвзæры, уыдон, æмæ фæнысан кодта коллективы конструктивон ӕмархайды ахадындзинад.
ЦИПУ-йы доценты лекци хъусджытæм тынг цымыдисаг фæкаст æмæ уагдон фæнысан кодтой, дарддæр дæр кæй араздзысты ахæм фембæлдтæ эксперттимæ, цæмæй куыст эффективондæрæй цæуа æмæ æрыгон специалисттæ рæзой сæ профессийы.
Преподаватель СОГУ выступила с лекцией по психологии наставничества в Прокуратуре РСО-Алания