Медицинон наукæты кандидат, Хетæгкаты Къостайы номыл ЦИПУ-йы системон экологион анализы лабораторийы хистæр зонадон кусæг Дзампаты Жаннæ сси Уæрæсейы зонадон фонды конкурсы уæлахиздзау æмæ рамбылдта грант атеросклерозæй чи дзæбæх кæны, ахæм зайæгойты миниуджытæ сбæрæг кæнынæн.
Йæ зонадон проекты фæлгæтты иртасæг æркæсдзæн зайæгойтæй кæй райста, ахæм биологион активон буаргъæды дзæбæхгæнæн архайдмæ, æмæ сæ ахадындзинад атерогенезы кълеткæтæ-хæйттыл. Зонадон иртасæн сты митохондритæ – энерги йын чи дæтты, ахæм кълеткæты органеллæтæ. Атеросклерозимæ сæ куыст фæкæнынц æвзæрдæр æмæ фæфыддæр вæййы буары иумæйаг уавæр. Иртасæнтæ æвзардзысты эксперементалон цæрæгойтыл.
Бæрзонд аргъы аккаг, экологион æгъдауæй æдас зайæгойон хосæн æрмæг арвитдзысты дарддæр иртасынмæ РАН-ы Националон зонадон центрмæ – Никитскийы ботаникон цæхæрадонмæ ЦИПУ-имæ зонадон æмгуыстады фæлгæтты.
Раиртæсты хъæугæдзинад баст у, атеросклероз кæй апарахт ис, уыимæ. У зæрдæ-дадзинты низ æмæ уымæй мæлыны сæйрагдæр аххосæгтæй иу. Раиртæсты рæстæг сбæрæггонд хатдзæгтæ ратдзысты фадат атеросклероз дзæбæх кæнынæн ног гæнæнтæ, ныртæккæ йын цы дзæбæх кæныны мадзæлттæ ис, уыдон фæуæрæхдæр кæнын æмæ рынчынтæн та фæлмæндæр, биоиугонд æмæ экологион сыгъдæг хостæ рауадзын.
Учёный СОГУ выиграла грант на разработку лекарства от атеросклероза