Цæгат Ирыстоны падзахадон университеты цæуынц уæгъдибар хъæбысхæстæй Националон студентон лигæйы спортивон-ахуырадон фембæлдтæ. Программæйы архайджытæ æххæст кæнынц спортивон æмæ адæймагон миниуджытæм здæхт интенсивон тренеровкæтæ æмæ ахуырадон мадзæлттæ.
Фембæлды сæрмагонд цау уыдис студентты-спортсменты фембæлд ЦИПУ-йы ректор Огъуаты Аланимæ. Сæ ныхасы архайджытæ радзырдтой сæ спортивон фæлтæрддзинады тыххæй, æрныхас кодтой спортивон стипендиты, ерысты архайды, студентон спортмæ цæстдарды æмæ сæ профессионалон фæндты тыххæй. Лæвæрдтой фæрстытæ. Фембæлдмæ ма кадджын уазджыты хуызы æрбацыдысты олимпаг чемпионтæ Тменаты Тамерлан æмæ Рæмонаты Сослан. Фембæлды кæй уыдысты, уый æвзонг богæлттæн уыдис æнæфæцудгæдзинад æмæ удæнцойы ахсджиаг символ. Ахæм мадзæлттæ дæттынц фадат ахуырадон уагдæттæ, спортивон æхсæнадтæ æмæ студентты ‘хсæн бастдзинæдтæ æнгомдæр кæнынæн, фидæны чемпионтæн алывæрсыг райрæзты гæнæнтæ аразгæйæ.
Спортсмены Национальной студенческой лиги по вольной борьбе встретились с ректором СОГУ