Башкоторстаны æрыгон ахуыргæндты æмæ студентон наукон æхсæнадты XIII Æппæтуæрæсеон съезды схорзæхджын кодтой студентты зонадон иугæндты IV Конкурсы уæлахиздзауты – се ‘хсæн Цæгат Ирыстоны Хетæгкаты Къостайы номыл паддзахадон университет дæр.
Ацы азы зæрдæвæрæны мæйы Уæрæсейы наукæ æмæ уæлдæр ахуырады Министрады конкурсæн скодтой хатдзæгтæ Уæрæсейы æппæт уæлдæр ахуырадон уагдæтты студентты ‘хсæн хуыздæр студентон зонадон æхсæнадтæ раиртасынæн. ЦИПУ-йы проект сси нæ бæстæйы университетты 316 курдиаты ‘хсæн сæ хуыздæртæй иу. Конкурсы архайын бафæндыд нæ университеты экономикæ æмæ разамынды факультет.
Сæ уæлахизы фæрцы университет райсдзæн студентон наукон æхсæнадæн æххуысы фæдыл арæзт мадзæлттæн грант федералон бюджетæй 3 милуан сомы бæрц.
Студентон наукон иугæндты конкурс у Уæрæсейы наукæ æмæ уæлдæр ахуырады Министрады конкурс, здæхт у студентон наукон æхсæнадтæн æххуысæн. Конкурсы архайынц студентон наукон æхсæнадтæ кæм ис, ахæм уæлдæр ахуырадон уагдæттæ. Сæ бон у райсын гранттæ сæ дæсныйад парахат кæнынæн. Æхцаты фæрæзты иумæйаг фонд у 100 милуаны.
Студенческое научное объединение СОГУ стало одним из лучших в России