Æппæтуæрæсеон зондамонæн проект «Адæмыхæттыты ‘хсæн журналистикæйы скъола» хоны 18 азæй 30 азмæ фæсивæды программæйы конкурсон равзæрсты архайынмæ.
Скъолайы программæ арæзт у регионалон æмæ федералон модультæй. Регионалон модулы хъусджытæ райсдзысты адæмыхæттыты ‘хсæн журналистикæ æмæ паддзахадон националон политикæйы тыххæй бындурон зонындзинæдтæ. Сахуыр уыдзысты кусын адæмыхæттыты ‘хсæн темæйыл журналистикæйы алы форматты. Федералоны та студенттæн кæсдзысты лекцитæ нæ бæстæйы хуыздæр специалисттæ, уыдзæн сын этноэкспедицитæ, хакатон æмæ сфæлдыстадон лабораторитæ.
Цæгат Ирыстоны ахуыртæ ацæудзысты проекты куратортæ республикæйы æрвылбон газет «Северная Осетия»-йы корреспондент, Уæрæсейы журналистты Цæдисы уæнг Гуыбыраты Зæлинæ æмæ ЦИПУ-йы журналистикæйы факультеты журналистикæ æмæ медиакоммуникацийы кафедрæйы доцент Цæллыккаты Мæдинæйы архайдимæ комкоммæ. Цæгат Ирыстоны проект цæуы фондз азæй фылдæр.
Ахуыртæ цæудзысты комкоммæ кæнæ онлайн 2025 азы рухæны мæйæ джеоргуыбайы мæймæ. Регионалон модулы кæрон ратдзысты адæмыхæттыты ‘хсæн журналистикæйы Гильдийы сертификат. Хуыздæрты федералон этап ацæуынмæ арвитдзысты Мæскуымæ.
Фæндон домæн – профилон уæлдæр ахуырадон уагдæтты ахуыр (ахуырад «журналистикæ», «этнологи», «культурологи», «истори» æмæ æндæр æмварс фадыджы, журналистикæ кæнæ блогеры фæлтæрд).
Цæмæй конкурсон равзæрсты хайад райсæн уа, уый тыххæй рухæны мæйы 15-æм бонмæ хъæуы æрбарвитын ахсджиаг фæндон писмо ацы адрисмæ school@nazaccent.ru, уый фæстæ та комкоммæ аныхас кæнын – комкоммæ кæнæ онлайн.