Майрæмы мæйы 13-æм бонæй рухæны мæйы 15-æм бонмæ Цæгат Ирыстоны Националон музейы равдыстыты залы ацæудзæн Уæрæсейы нывгæнджыты иугонды уæнг, ЦИПУ-йы нывкæнынады дæсныйады кафедрæйы доцент, Биганти Зæринæйы юбилейон нывкæнынады равдыст.
Экспозицимæ бацæудзысты 35 куысты – нывгæнæджы сфæлдыстады алы рæстæджы экспрессивонæй сæххæстгонд композицитæ æмæ натюрморттæ пастозный техникæйæ. Куыстытæ арæзт сты лирикон абстракцийы стилы, æвдисынц алфамбылай æхсæнады гармони, сабырдзинад æмæ рæсугъддзинады æнкъарæнтæ.
Биганти Зæринæйы сфæлдыстад у алыхуызон – хуызтæ æмæ фæлгъуызты нюанстæ, нывгæнæн кæттаджы уæлцъары текстурæмæ цæстдард. Нывгæнæджы миддуне æвдыст цæуы алфамбылай дунейы сæрмагонд æмæ вазыгджын композицион хуызы равдысты. Йæ куыстытæ æвдисынц æрдз æмæ адæймаджы удыхъæды сурæты арф æмбарынад, реалистон мотивты æмахаст дуне æмæ дзы адæймаджы бынаты тыххæй поэтикон хъуыдытæ.
Биганти Зæринæ каст фæцис Дзæуджыхъæуы Дзанайты Азанбеджы номыл навгæнæн училище, фæстæдæр та уыдис Цæгат Ирыстоны Хетæгкаты Къостайы номыл паддзахадон университеты рауагъдон, нывкæнынады дæсныйады ахуыргæнæджы диплом райсгæйæ. Уæрæсейы культурæйы сгуыхт архайæг, профессор æмæ Уæрæсейы Нывгæнджыты Академийы академик Бедойты Шалвайы ахуыргæнинаг. Зæринæйы нывтæ аив кæнынц Уæрæсейы, Францийы, Германийы, Нидерланды æмæ АИШ-ы хисæрмагонд коллекцитæ. Зындгонд экспозициты ‘хсæн – персоналон равдыстытæ нывгæнæджы Централон хæдзары, Дзуттаг музей æмæ толерантносты центры, Мæскуыйы Марина Цветаевайы хæдзар-музейы, Сочи æмæ Цæгат Ирыстоны галерейты.
Авторская выставка преподавательницы СОГУ пройдёт во Владикавказе