Цæгат Ирыстоны Хетæгкаты Къостайы паддзахадон университет Цæгат Ирыстон-Аланийы Республикæйы сæргълæууæг Сергей Меняйлойы æххуысæй архайынц зондамонæн проект «Школа межэтнической журналистики»-ы. Проект аразынц адæмыхæттыты ‘хсæн журналистикæйы Гильди адæмыхæтты хъуыддæгты Федералон агентады æххуысæй.
Адæмыхæттыты ‘хсæн ахастыты журналистикæйы скъола кусы 2015-æм азæй æмæ дæс азмæ бацæттæ кодта 3000 æрыгон журналистæй фылдæр. 2025 азы проект райста УФ Президенты æххуыс æмæ дарддæр рæзы куыд ахсджиаг ахуырадон фæзуат фæсивæдæн.
Архайын дзы сæ бон у фæсивæдæн 18 азæй 30 азмæ, журналистикæйы факультет æмæ йемæ баст хайæдты студенттæн, æрыгон этноактивисттæ æмæ блогертæн, регионалон ДзИФ журналисттæн.
Ахуыр ацæудзæн дыууæ этапæй: регионалон модуль (рухæны мæй-Джеоргуыбайы мæй 2025)- хæццæ формат (комкоммæ æмæ онлайн), æмæ Федералон модуль (цыппурсы мæй 2025) – хуыздæр студенттæн комкоммæ ахуыртæ Мæскуыйы.
Конкурсы архайынмæ æнæмæнг хъæуы 2025 азы рухæны мæйы 20-æм бонмæ арвитын разæнгардгæнæн писмо ахæм адрисмæ: school@nazaccent.ru æмæ ацæуын æмныхас (комкоммæ кæнæ онлайн).
Программæйы ис:
- Паддзахадон националон политикæйы бындур;
- Алы журналистон форматты адæмыхæтты темæйыл куыст;
- Федералон ДзИФ зындгонд эксперттæ æмæ журналистты мастер-класстæ;
- Этнографион экспедицитæ æмæ сфæлдыстадон лабораторитæ.
Цæгат Ирыстоны фæсивæды архайд проекты уæлдай бæрæггæнæн уыдзæн республикæйы рæзтæн куыд адæмыхæттыты ‘хсæн сабыр æмæ æмзæрдиондзинады территори. Цы фæлтæрддзинад райсой, уый сын æххуыс уыдзæн адæмыхæттыты ‘хсæн ахастытæ профессионалонæй æвдисын ДзИФ фæрцы.
Всероссийский проект «Школа межэтнической журналистики» объявила набор студентов