Цæгат Ирыстоны Хетæгкаты Къостайы номыл паддзахадон университеты ацыд Æппæтуæрæсеон конгресс «KOST-2025» химийы гетероцикликон иугæндтæй. Конгресс æрæмбырд кодта зындгонд ахуыргæндтæ-химикты, РАН-ы академиктæ æмæ член-корреспондентты.
ЦИПУ-йы зал ЮНЕСКО-йы конгрессы кадджын бахгæды архайджытæн раарфæ кодтой се ‘нтыстджын куысты тыххæй МГУ-йы органикон химийы кафедрæйы сæргълæууæг, РАН-ы профессор Валентин Ненайденко æмæ ЦИПУ-йы фундаменталон æмæ органикон химийы кафедрæйы сæргълæууæг Абайты Владимир. Конгрессы æппæты æрыгондæр архайæг, 12 аздзыд Ростовская Верæйæн та скодтой зæрдылдарæн лæвар.
«Конгрессы куысты рæстæг мах не ‘мкусджытимæ байхъуыстам кæрæдзийы хъуыдытæм æмæ æркастыстæм бирæ докладтæм. Гетероцикликон иугæндтæ сты хосты, стæй æндæр сæрмагонд æрмæджыты культурон бындур, уымæ гæсгæ докладтæ сеппæт дæр нысангонд уыдысты наукæйы бастдзинадæн практикон пайдакæнынадимæ. Мæн фæнды раарфæ кæнын Цæгат Ирыстоны паддзахадон университеты кусджытæн æмæ сæрмагондæй ректор Огъуаты Аланæн. Уыдоны фæрцы мах базыдтам куыд цæуы дзырд Дзæуджыхъæуы наукæ æмæ ахуырадыл, базыдтам ирон адæмы рæдаудзинад æмæ бынæттон хæрзаив æмæ æнахуыр рæсугъд культурон бынтæ»,- загъта Валентин Ненайденко.
Цыппар боны дæргъы, рухæны мæйы 15-æм бонæй 18-æм бонмæ, нæ бæстæйы химийы наукæйы дæснытæ ЦИПУ-йы ныхас кодтой органикон химийы ахъаззагдæр фæрстытыл. Конференцийы куыстой 220 архайæгæй фылдæр, рæгъмæ рахастой 50 постерный æмæ 114 дзургæ доклады.
Къуыримæ бакастысты докладтæ бындурон здæхтытæм гæсгæ: ног синтетикон æмæ каталитикон методтæ, стереохими, перегруппировкæтæ гетероциклты пайдакæнынад нырыккон æрмæджытæ æмæ хостæ аразгæйæ, стæй, æрдзон хомаджы синтез. Филологон факультеты фойейы та ацыдысты постерный сесситæ, автортæ дзы графиктимæ, диаграммæтимæ æмæ схемæтимæ плакаттыл равдыстой сæ иртасæнтæ.
Конгрессы фæлгæтты ма ацыд Огъуаты Аланы фембæлд нæ бæстæйы раззагдæр ахуыргæндтимæ. Фембæлды рæстæг æрдзырдтой наукон иртасæнтæ практикон равдысты æмæ регионы промышленон куыстуæтты æмгуысты гæнæнтыл. Диалоджы архайджытæ фæнысан кодтой, Цæгат Ирыстонæн стыр гæнæнтæ кæй ис, химикон иртæстыты райрæзтæн æмæ æрыгон ахуыргæндтæн иумæйаг проектты архайдæн.
Наукон программæ баххæст кодтой Цæгат Ирыстоны культурон бынтимæ зонгæдзинадæй. Бакастысты сывæллæтты ансамбль «Маленький джигит»-ы равдыстмæ, вокалон ансамбль «Уацамнгæ» æмæ Реуазты Данæйы поэтикон кастмæ. Уазджытæн сарæзтой экскурси Цъæйы æмæ Хъæрмæдоны кæмттæм. Равдыстой Ирыстоны æрдзон рæсугъддзинад.
Æппæтуæрæсеон конгресс «KOST-2025» цæуы фондз азмæ иу хатт æмæ æрæмбырд кæны уæрæсейаг ахуыргæндтæ-химикты, РАН-ы академиктæ æмæ член-корреспондентты. Ацы аз конгресс фыццаг хатт ацыд Цæгат Ирыстоны.
В Северной Осетии впервые прошел Всероссийский конгресс по химии гетероциклических соединений