Цæгат Ирыстоны паддзахадон университеты химийы гетероцикликон иугæндтæн нысангонд Æппæтуæрæсеон конгрессы фæлгæтты университеты хицауадæн ацыд фембæлд нæ бæстæйы зындгонд ахуыргæндтимæ. Архайджытæ æрдзырдтой, ЦИПУ-йы активон архайдимæ республикæйы цавæр размæдзыд проекттæ ис саразæн, ууыл.
РАН-ы Н.Д.Зелинскийы номыл органикон химийы Институты директор Терентьев Олег, академик А.Е.Чичибабины номыл гетероцикликон иугæндты лабораторийы сæргълæууæг Евгений Третьяков, РАН-ы профессор, органикон химийы кафедрæйы сæргълæууæг, Валентин Ненайденко, химикон зонæдты доктор Мехман Юсубов, РАН-ы КазНЦ ИОФХ-йы фосфоримæ æрдзон иугæндты лабораторийы сæргълæууæг Владимир Мироновимæ ныхас кодтой университеты ректор Огъуаты Алан, зонадон куысты ректоры хæдивæг Тенгиз Тиникашвили æмæ фундаменталон æмæ медицинон химийы кафедрæйы сæргълæууæг Абайты Владимир.
Фембæлды рæстæг университеты хицауад æмæ ахуыргæндтæ æрныхас кодтой зонадон фæндты практикæмæ бахаст æмæ регионы промышленон кусæндæттимæ æмгуысты гæнæнтыл.
«Махæн ахсджиаг у, зонадон æхсæнады цы раиртæстытæ сæвзæрынц, уыдон цæмæй рахизой реалон технологитæ æмæ продукттæм. ЦИПУ цæттæ у æмгуыстмæ æмæ регионы наукæ æмæ экономикæ чи фидар кæны, алы ахæм хъæппæрисмæ дæр цæст дары» – фæнысан кодта ректор.
Конгрессы архайджытæ дæр загътой, Цæгат Ирыстонæн кæй ис зынгæ потенциал æрыгон ахуыргæндты иумæйаг проекттæм здахынмæ æмæ химикон иртасæнты райрæзтмæ. Фембæлды хатдзæгтæм гæсгæ баныхас кодтой, æппæт бæстæйы иртасджыты архайд баиу кæнын æмæ республикæйы химийæ зонад ног къæпхæнмæ ракæныныл.
В СОГУ обсудили научные проекты вместе с участниками Всероссийского конгресса