Цæгат Ирыстоны Хетæгкаты Къостайы номыл паддзахадон университеты рухстауæг проект «Три портрета миопии»-йы фæлгæтты ацыд судентты фембæлд эксперттимæ.
Офтальмологион портал «Орган зрения»-йы æххуысæй арæзт мадзал снывонд кодтой дардмæ æвзæр чи уыны, уыдоны дзæбæх кæнынæн актуалон фæрстытæн.
Студенттимæ ныхас кодтой дохтыр-офтальмолог, медицинон наукæты кандидат Сергей Голубев æмæ психолог, когнитивон-хидарæн психотерапийы Ассоциацийы уæнг Максименко Иринæ.
Сергей Голубев йæ лекцийы бæстон æрдзырдта миопийы тыххæй. Студенттæ базыдтой дардмæ æвзæр уыныны аххосæгтæ, рагацау сæ рабæрæг кæныны нырыккон методты тыххæй æмæ куыд ис бауромæн цæстæй æвзæр уыныны фæстиуджытæ. Уæлдай цæстдард æрцыд низы дарддæр ацайдагъ кæнынæн гæнæтæм æмæ фæнысан кодта, кæй хъæуы æнæмæнг специалисттæм афоныл цæуын.
Максименко Иринæ фарстмæ æркæсын кодта æндæр уаджы – психологи æмæ æнæниз ахуыры хуызы. Уый дзырдта, адæймаджы биологион сæхæттæ æмæ фыны хæрзхъæддзинад буарыл куыд ахадынц æмæ, æмткæй, миопийы райтынгыл.
Архайджытæ райстой практикон уынаффæтæ бæрзонд ахуырадон хæсты уавæры цæстыты æнæниздзинад бахъахъхъæнынæн.
Проект «Три портрета миопии»-йы нысан уыд, цæмæй фæсивæд зоной цæстæй æвзæр уыныны проблемæйы тыххæй, алы аз кæй кæны уæрæхдæр æмæ сæ зонгæ кæны йæ дзæбæх кæныны актуалон методтимæ.
В СОГУ обсудили здоровье глаз: офтальмологи и психолог рассказали студентам о миопии