Цæгат Ирыстоны паддзахадон университеты йæ куыст райдыдта егъау наукон мадзал – химийы гетероцикликон иугæндтæн нысангонд Æппæтуæрæсеон конгресс «KOST-2025».
Коференци цæуы фондз азмæ иу хатт æмæ æрæмбырд кæны хуыздæр ахуыргæндты-химикты, уыдоны хыгъд академиктæ æмæ РАН-ы член-корреспонденттæ. Сæйрагдæр се ‘ргом здæхт у органикон химийы æппæты хъæугæдæр къабæзтæй иуы ахсджиаг проблемæтæм. Гетероцикликон иугæндтæн ис бындурон бынат нырыккон иртасæнты ‘хсæн, ахæмты куыд, бæрзонд технологи, фармакологи æмæ æрмæгзонынад. Уый зонын ахады уникалон æууæлтимæ полимертæ æмæ электроникæйæн нырыккон æрмæджытыл, ног хостæ сарæзтыл.
Конгрессы официалон байгом ацыд ЦИПУ-йы Концертон залы. Архайджытæн раарфæ кодтой РЦИ-Аланийы хицауады сæрдар Дзанайты Барис, республикæйы парламенты сæрдары хæдивæг Гутнаты Аслæмбек, МГУ-йы органикон химийы кафедрæйы сæргълæууæг Валентин Ненайденко.
ЦИПУ-йы ректор Огъуаты Аланы зæрдæ дæр загъта конференцийы архайджытæн продуктивон куыст.
«Махæн стыр кад у ахæм разагъды иртасджыты æмæ студентты суазæг кæнын. Мах сæрыстыр стæм, нæ университет кæй у ахæм мадзæлттæ аразынæн фæзуат. Зонад у ног æрмæг æмæ технологиты бындурау – уый та махæн у сæйраг, мах цæттæ стæм кæдфæнды дæр ахæм процесты фыццагдæрты рæнхъы архайын. Мæн уырны, архайджытæ сæ рæстæг кæй арвитдзысты уæлкурдиатимæ æмæ æнтыстджынæй»-загъта Огъуаты Алан.
Уый фæстæ сæ пленарон лекцитæ бакастысты архайджытæн ахуыргæндтæ: уæрæсейаг химик-технолог, органикон æмæ техникон химийы къабазы специалист, РАН-ы член-корреспондент Александр Терентьев, бæрзонд молекулярон иугæндты къабазы специалист, РАН-ы член-корреспондент Сергей Пономаренко æмæ эксперт органикон æмæ элементоорганикон химийы къабазы Владимир Миронов.
Уый фæстæ конференци ахæццæ кодтой постерный сесситæй. Архайджытæ дзы бакастысты гетероциклон химийы фундаменталон фæрстытæй æмæ сæ райсыны ног синтетикон æмæ каталитикон методтæй докладтæ. Æрыгон ахуыргæндтæ, аспиранттæ æмæ студенттæ рæгъмæ рахæсдзысты сæ иртасæнтæ, эксперттæ та сын скæндзысты аккаг аргъ.
Конгресс цæудзæн рухæны мæйы 19-æм бонмæ. Уазджытæн æмæ мадзалы архайджытæн бацæттæ кодтой культурон программæ дæр. Базонгæ уыдзысты Цæгат Ирыстоны истори æмæ уазæгуарзон ахастимæ.
