Санкт-Петербурджы ацыд Националон студентон лигæйы суперфинал спортивон хъæбысхæстæй. Уæлахиздзаутæ систы ЦИПУ-йы физикон культурæ æмæ спорты факультеты студенттæ Алексей Антипин æмæ Бекъойты Артур, географи æмæ геоэкологийы факультеты магистрант Дзирати Алан.
Ерысты архайджытæ 76 уæлдæр ахуырадон уагдонæй хæцыдысты грекъаг-римаг æмæ уæгъдибар хъæбысхæстæй дæс уæзы категорийы. Суперфиналы уæлахиздзауы титулыл алы уæзы хæцыдысты цыппæргай спортсмены – Самарæ, Мæскуы, Красноярск æмæ Дзæуджыхъæуы ацæуæг 2024/25-сезоны рейтингон турниры уæлахиздзаутæ.
Ерысты хатдзæгтæм гæсгæ нæ студенттæ рамбылдтой сызгъæрин майдантæ æмæ Уæрæсейы спортивон хъæбысхæсты Федерацийы номæй афæдзы дæргъы стипенди 10 мин сомы бæрц. Хæрзиуæг снысан кодтой ацы аз – фыццаг хатт студентон спорты историйы.
Студенты СОГУ — победители соревнований студенческой лиги по спортивной борьбе