Иумæйагуæрæсеон ахуырадон акци «Всероссийский экономический диктант» ацæудзæн 2025 азы кæфты мæйы 14 бон Уæрæсейы æппæт регионты æмæ фæсарæнты. Акци аразæг сты Сæрибар экономикон æхсæнад Уæрæсе, Уæрæсейы историон æхсæнад, Юрий Лужковы Фонд, Уæрæсейы Федерацийы субъектты администрацитæ, Уæрæсейы Федерацийы раззагдæр уæлдæр ахуырадон уагдæтты архайдимæ, ТАСС-йы информацион агентад, «Российская газета», Рауагъдад «Экономическая газета»-йы æххуысæй.
Экономикон диктанты нысан – ахуырадон. Акцийы фæрцы фæбæрзонддæр æмæ фæуæрæхдæр кæнын уæрæсейаг адæмы экономикæйæ зонындзинæдтæ, фæзынын сæм кæнын цымыдисдзинад экономикæмæ, базонгæ кæнын адæмы экономикон теори æмæ историимæ, сахуыр сæ кæнын уыцы зонындзинæдтæй пайда кæнын æрвылбон царды.
Экономикон диктант архайджытæ традицимæ гæсгæ ныффысдзысты акцийы сайтыл: куыд регионалон фæзуæтты – университетты, колледжты, техникумты, гимназиты, скъолаты, библиотекæты, музейты, амалхъомад райрæзты центрты, уæрæсейаг регионты администрациты, афтæ хибарæй дæр.
Архайджытæн æвзарынмæ ратдзысты хæслæвæрдты дыууæ варианты:
- 9-11-æм кълæсты астæуккаг иумæйаг æмæ профессионалон ахуырады скъоладзаутæн;
- Уæлдæр ахуырадон уагдæтты студенттæн æмæ æндæр кары категоритæн.
Фыццаг хатт Экономикон диктант фыстой 2017 азы æмæ уæдæй зынгæ фæуæрæхдæр йæ географи æмæ йæ архайджыты бæрц. 2024 азы акцийы архайдтой 392 456 адæймаджы Уæрæсейы Федерацийы æппæт субъекттæй æмæ 11 фæсарæйнаг бæстæйæ – Белоруси, Казахстан, Кыргызстан, Армени, Узбекистан, Таджикистан, Туркменистан, Китай, Турк, Монголи æмæ Сирийæ, 2017 азæй 7 хатты фылдæр.
Æрвылаз, Æппæтуæрæсеон экономикон диктанты фæстиуджытæм гæсгæ саразынц аналитикон отчет. Йæ аразджытæ аргъ дæттынц акцийы хатдзæгтæн регионалон æмвæзадыл. Райст бæрæггæнæнтæ дæттынц фадат нæ бæстæйы æмæ Уæрæсейы хицæн субъектты цæрджыты экономикæ зонынæн аргъ кæнын.
Экономикон Диктанты хæслæвæрдтæ байгом уыдзысты акцийы сайтыл: https://diktant.org/ кæфты мæйы 14-æм бон 5:00 сахатыл.
Акцийы хатдзæгтæ зæгъдзысты Джеоргуыбайы мæйы 11-æм бон 206 азы Уæрæсейы ВЭО æмæ профессионалон бæрæгбон «День экономиста»-йæн нысангонд Æппæтуæрæсеон экономикон Æмбырды.