Цæгат Ирыстоны паддзахадон университеты ацæудзæн наукон-практикон семинар æхсæнадæмон минæвæрттимæ «Дошкольное образование, ориентированное на будущее», нысангонд у математикæ зонынæн нырыккон дунейы скъолайы агъоммæ ахуырады.
Семинар уыдзæн профессионалон диалог æмæ скъолайы агъоммæ педагогон ахуырады фæлтæрддзинадæй хай кæныны фæзуат. Йæ куысты архайдзысты зынгæ эксперттæ Казахстан, Хуссар Ирыстон, Ростов-на-дону æмæ Кæсæг-Балхъары Республикæтæй.
Архайджыты размæ рахæсдзысты скъолайы агъоммæ кары сывæллæттæн математикон ахуырады нырыккон бындурон фæрстытæ. Бындурон темæты ‘хсæн – ног паддзахадон стандарттæм гæсгæ актуалон тенденцитæ, эффективон математикон цæттæдзинадмæ инновацион методикæтæ, математикæ бамбарынмæ зындзинæдтыл ныхас. Уæлдай цæстдард цæудзæн фæдфæдылдзинады системæмæ «рæвдауæндон-скъола», фидæны педагогты цæттæдзинадмæ æмæ нырыккон технологитæй пайдакæнынадмæ, ахæмтæ, куыд нейропсихологион хуыз æмæ менталон арифметикæ.
Семинары архайджытæ базонгæ уыдзысты се ‘мкусджыты æнтыстджын фæлтæрддзинадимæ, æрдзурдзысты æнæмæнг хъæугæ фæрстытыл æмæ скъолайы агъоммæ математикон ахуырады райрæзты гæнæнтыл.
Семинар ацæудзæн рухæны мæйы 30-æм бон Дзæуджыхъæуы 95-æм рæвдауæндоны.
Архайджыты регистраци райдайдзæн 10:00 сахатыл, семинар байгом уыдзæн – 11:00 сахатыл.