Волгограды паддзахадон университеты ацыд университетты профцæдисон уагдæтты 38-æм Евразийаг ассоциацийы съезд.
Уыдысты дзы Уæрæсе, Беларуси, Армени æмæ Киргизийы 50 уæлдæр ахуырадон уагдоны профцæдисон хайæдтæй фылдæр. Цæгат Ирыстоны Хетæгкаты Къостайы номыл паддзахадон университетæй дзы архайдта нæ университеты профцæдисы хайады сæрдар Бады Зауырбег.
Мадзал бацæттæ кодтой Фыдыбæстæйы Стыр Хæсты Уæлахизы 80 азмæ. Здæхт уыдис истори хъуыды кæнынмæ, студенттæ æмæ ахуыргæнджыты патриотон хъомыладмæ.
ВолгПУ ректор Алла Калинина радзырдта университеты студенттæм патриотизм æмæ историон мысæн хъомыл кæныны куысты тыххæй.
Съезды архайджытæ æрдзырдтой 1941-1945 азты Фыдыбæстæйы Стыр Хæсты цаутæ æмæ хатдзæгты историон мысæны хъомыладыл, университетты профцæдисон уагдæтты хæстæ æмæ гæнæтыл ахуыргæнджытæ æмæ студентты ‘хсæн зæрдæмæдзæугæ уаг саразынæн.
Пленарон æрбадты Армени, Белоруси, Киргизи æмæ Уæрæсейæ минæвæрттæ радзырдтой нæ фыдæлты сгуыхтытæ зæрдыл дарыны нысаны тыххæй. Уыцы мысæн бахъахъхъæныны профцæдисон уагæдæттæ цы бынат ахсынц, юбилейон аз раздæр Советон Цæдисмæ хауæг хицæн паддзахæдты университетты цы мадзæлттæ ацыд, фидæны фæлтæрæн уыцы мысæн адарддæр кæныны.
Уый фæстæ архайджытæ бабæрæг кодтой Волгограды зындгонд бынæттæ.
Университетты профцæдисон уагдæтты Евразийаг ассоциаци (УПУЕА) у егъау æхсæнадæмон профцæдисон иугонд, иу кæны 8 бæстæйы 70 классикон университеты. Ассоциаци банымадтой Евразийаг иугонды ректортæ æмæ бирæ бæстæты ахуырады профцæдисты разамонджытæ. Традицимæ гæсгæ съезд байгом кæны, кæм цæуы, уыцы университеты ректор. УПУЕА архайы университеттимæ æмæ профцæдисон уагдæттимæ хæлардзинад фидар кæнын æмæ кæрæдзийæн пайда æмгуыстад аразыны нæ бæстæйы ахуырады райрæзтæн.
В Волгограде прошел съезд Евразийской ассоциации профсоюзных организаций университетов