Цæгат Ирыстоны паддзахадон университеты делегаци архайдта Æхсæнадæмон форум «БИОПРОМ: промышленность и технологии для человека»-йы, ацыд Геленджикы кæфты мæйы 6-æм æмæ 7-æм бонты.
Адæймаджы цардыуаг медицинæ, фармацевтикæ, косметикæ æмæ хойраджы индустрийы, хъæууон хæдзарад æмæ экологи фæхуыздæр кæнынæн технологиты райрæзтæн нысангонд мадзалы архайдтой ректор Огъуаты Алан, æрдзон зонæдтæ æмæ технологиты факультеты декан Сергей Скупневский æмæ медицинон факультеты фармацийы кафедрæйы сæргълæууæг Вячеслав Морозов.
Форумы æмархайд кодтой паддзахадон барады органтæ, бизнес æмæ зонадон æхсæнад. Ныхас дзы цыд биоэкономикæйы райрæзты гæнæнтыл æмæ ног нацпроекты сарæзтыл. Уæлдай цæстдард цыдис профилон инфраструктурæтæм, ног продукттæ æмæ технологиты фæзындмæ медицинæйы, фармакологийы, хойраджы промышленносты æмæ аргарон секторы.
Дискуссийы ма архайдта УФ Хицауады Сæрдары Фыццаг хæдивæр Денис Мантуров, промышленность æмæ базарады Министр Антон Алиханов, æнæнизхъахъхъæнынады Министр Михаил Мурашко, хъæууон хæдзарады Министр Оксана Лут, УФ Президенты Æххуысгæнæг Андрей Фурсенко, нæ бæстæйы æмæ фæсарæнты егъау корпорациты сæрдартæ, уыдоны хыгъд китайаг компани Hualan Genetic Engineering Ань Вэньци-йы Генералон директор, ГЕРОФАРМ-ы Генералон директор Петр Родионов, дохтыр Апарн Шарм, Индийы Хицауады биотехнологийы областы иртасæнты райрæзты Советы разамонæг (BIRAC).
ЦИПУ-йæн уый уыдис ахсджиаг фæзуат уæрæсейаг æмæ æхсæнадæмон компанитимæ комкоммæ ныхасæн, иумæйаг проекттæ аразынмæ фæндон бахæссынæн. Эконимикæйы секторимæ бастдзинæдтæ бафидар кæнын та дæтты гæнæтæ хи ахуырадон æмæ зонадон программæты райрæзтæн.
СОГУ укрепляет научные связи на Международном форуме «Биопром-2025» в Геленджике