Цæгат Ирыстоны хицауады бардзырдмæ гæсгæ Цæгат Ирыстоны Хетæгкаты Къостайы номыл паддзахадон университеты ирон æвзагзонынады къабазы наукон дæсныйады се ‘нтыстыты тыххæй дыууæ студенткæйæн снысан кодтой Абайты Васойы номыл стипенди.
Ирон филологийы факультеты магистратурæйы 1-æм курсы суденткæтæ Клисова Зæринæ æмæ Дзгойты Луизæ алы мæй исдзысты 8 мин сомы.
Абайты Васойы номыл стипендийы снысанæн ис тынг ахсджиаг мидис ирон æвзаджы райрæзт æмæ бахъахъхъæнынæн – ацы хъæппæрис здæхт у курдиатджын фæсивæдæн æххуысмæ æмæ сæ разæнгард кæны дарддæры вазыгджындæр наукон куыстмæ ирон æвзаг æмæ культурæйы бахъахъхъæд æмæ райрæзты пайдайæн.