ЦИПУ-йы фæсивæдон политикæ æмæ административон куысты ректоры хæдивæг Кокайты Аланимæ иумæ ректораты кусджытæ сæвæрдтой дидинджытæ Цæгат Ирыстоны фыццаг президент, ЦИПУ-йы ректортæй иу Галазты Æхсарбеджы цыртдзæвæнмæ йæ райгуырæн бон.
Галазты Æхсарбег райгуырд 1929 азы кæфты мæйы 15-æм бон Хуымæллæджы. 1952 азы каст фæци Цæгат Ирыстоны педагогон институт. Уыдис педагогон зонæдты кандидат.
1976 – 1990 азмæ уыдис Цæгат Ирыстоны паддзахадон университеты ректор. Зынгæ бавæрæн бахаста университеты райрæзтмæ. Байгом кодта цæттæдзинады ног фæзилæнтæ, архайдта университеты наукон рæзтыл.
1994 азы сси Республикæ Цæгат Ирыстон-Аланийы æппæтадæмон æвзæрст президент. Уыцы бынат ахста 1998-æм азмæ. Хорзæхджынгонд уыдис ордентæй æмæ паддзахадон премитæй наукæ, ахуырад æмæ паддзахадон службæйы лæггады тыххæй. Йæ цардæй ахицæн тъæнджы мæйы 10-æм бон 2013 азы.
