Тегераны Алламе Табатабаийы номыл университеты арæзт æрцыд зындгонд ирон фыссæг æмæ рухстауæг Хетæгкаты Къостайы райгуырæн боны кадæн мадзал. Ацы мадзал у Цæгат Ирыстоны Хетæгкаты Къостайы номыл паддзахадон университет æмæ Ираны æмгусджытимæ æнгом зонадон-культурон бастдзинæдты æвдисæн.
Персайнаг литературæ æмæ фæсарæйнаг æвзæгты факультет сарæзтой æрбадт «Коста — певец народа и свободы». Онлайн-форматы дискуссийы архайдтой ирон наукæ æмæ уæлдæр скъолаты минæвæрттæ: ЦИПУ-йы ирон филологийы декан Гуытъиаты Эльмирæ, Абайты Васойы номыл ЦИГСИИ-йы директор Хъанынхъуаты Зæлинæ æмæ ЦИГСИИ-йы кусæг, ЦИПУ-йы ахуыргæнæг Сокаты Дианæ.
Зонадон дискуссийы кæрон мадзалы архайджытæ Тегераны университеты кæрты ацы аз зæрдæвæрæны мæйы æвæрд фыссæджы бюстмæ бахастой дидинджытæ. Цыртдзæвæны кадджын уавæры байгом уыд тынг ахсджиаг цау уæрæсейаг-ирайнаг гуманитарон ахастдзинæдты историйы.
ЦИПУ æмæ Тегераны Алламе Табатабаийы номыл паддзахадон университеты ‘хсæн ахсастдзинæтæ активонæй рæзынц. Æмгуыст кæныны иу нысанджын цау ма уыдис Хетæгкаты Къостайы æнæмæлгæ «Ирон фæндыр»-ы фарсимæ тæлмацы рацыд. Уыцы публикаци райгом кæндзæн ирон генийы сфæлдыстад ирайнаг чиныгкæсджытæн, уый та уыдзæн, аргъ кæмæн нæй, культурæты ‘хсæн ахастытæм ахæм стыр бавæрæн.
