30 азæй фылдæры фæстæ Цæгат Ирыстоны Къостайы номыл паддзахадон университеты рауагътой 18 бахъуаджы офицеры лейтенанты номимæ.
Рауагъдонтæн раарфæ кодтой кадджын уазджытæ: Хицауады сæрдары хæдивæг Томайты Ирбек, ветеранты советы сæрдар Фриаты Хъазыбег, РЦИ-Аланийы æфсæддон комиссариаты разамонæг Владимир Скоморох.
Студенттæн сæ æнтыстджын ахуыры тыххæй раарфæ кодта ЦИПУ-йы ректор Огъуаты Алан дæр. Раарфæ кодта УФ хъахъхъæнынады Министрадæн, РЦИ-Аланийы сæргълæууæг æмæ республикæйы хицауадæн уæлдæр ахуырадон уагдæтты ‘хсæн æфсæдтон центр сарæзты æххуысы.
«Офицеры пъагæттæй схорзæхджын кæныны традици хæлд æрцыд 1994 азы. Мах æй абон иумæ сног кодтам. Мах хъахъхъæнæм нæ фыдæлты традицитæ æмæ нæ фæлтæр уыцы традицийы бындур фидардæр кæнынц. Арфæ кæнын æфсæддон центры ахуыргæнджытæн сæ куысты фæдыл. Сымахæн та уæ куыст æмæ æнувыддзинады тыххæй. Ахуырæй уæлдай ма æфсæддон хъуыддаг дæр кæй базыдтат æмæ уымæй уæ фидæны ныфсджындæр кæй уыдзыстут, нæ бæстæйы фидæны, кæй йæ хъахъхæнут, уый фæдыл», – загъта Огъуаты Алан.
ЦИПУ-йы æфсæддон кафедрæйы куыст æрлæууыд 1994 азы. 2019 азы ЦИПУ-йы байгом кодтой, уыцы дæсныйад чи ахæццæ кодта, ахæм Æфæсæддон ахуырадон центр – фыццаг Цæгат Кавказы. Центр байгом кодтой ЦИПУ-йы хицауад æмæ РЦИ-Аланийы сæргълæууæджы фæндонмæ гæсгæ ЦИПУ-йы студентты ‘хсæн æфсæддонтæ бацæттæ кæнынæн Уæрæсейы Федерацийы хъахъхъæнынады Министрады Коллегийы уынаффæмæ гæсгæ.
Нæ университеты 30 студенты архайынц сæрмагонд æфсæддон операцийы. Уымæй уæлдай, центры курсанттæ æмæ студенттæ активонæй архайынц фронтæн æххуысы: гуманитарон æххуысимæ машинæтæ равдæлон кæнынмæ, гуманитарон уаргъ æмбырд кæнынмæ æмæ йæ сæрмагонд хæстон операцимæ фæхæццæ кæнынмæ, уыимæ, æхсгæ кæм кæнынц, уыцы бынæттæй рæстæгмæ æдасдæр ранмæ раивд адæммæ, æмбæхсæн æрмæджытæ цæттæ кæнынц, кусынц æфсæддон рынчындæтты.
Первый выпуск лейтенантов впервые с 1994 года прошел в Военном учебном центре СОГУ