Цæгат Ирыстоны Хетæгкаты Къостайы номыл паддзахадон университеты байгом уыдзæн историон-документалон равдыст «Нюрнбергский процесс. Невыученные уроки истории». Мадзал саразынæн баххуыс кодта Уæрæсейы историон æхсæнад æмæ Фонд «История Отечества».
Равдыст нысангонд у XX æнусы сæйрагдæр тæрхонæн – æхсæнадæмон уголовон рæсттæрхонæн бындур сæвæрæг Нюрнберджы процессæн. Экспозицийы ирдæй зынынц Дыккаг дунеон хæстæй абоны бонтæм уыцы историон цауы сæрмагонд гуырæнтæ.
Уымæй уæлдай уыдзæн фенæн виртуалон экспозици дæр, уый фæрцы уыдзæн Дыккаг дунеон хæсты историмæ цымыдис кæмæ ис, уыдоны ‘ргом раздахын. Мыхуыры рауадздзысты равдысты каталог. Уый тынг феххуыс уыдзæн наукон уацтæ, рефераттæ æмæ дипломон куыстытæ фысгæйæ.
Равдыст байгом уыдзæн 10 сахатыл ЦИПУ-йы сæйраг фойейы. 11 сахатыл ЦИПУ-йы Ахуыргонд советы залы ацæудзæн æрбадт, йæ темæ «Ни давности, ни забвения». Мадзалы архайдзысты паддзахадон барад æмæ бынæттон хихицауиуæгады органтæ, республикæйы æхсæнадон уагдæттæ, студенттæ æмæ хистæркъласонтæ.
Нюрнберджы процесс ацыд 1945 азы Джеоргуыбайы мæйы 20 бонæй 1946 азы кæфты мæйы 1 бонмæ. Æфсæддон трибунал сарæзтой цыппар паддзахады минæвæрттæ æмбар уавæртæм гæсгæ: СССР, США, Великобритани æмæ Франци. Процессы цыды фыццаг хатт официалон документмæ бацыд термин «геноцид». Ацы термин амоны адæмы сæ равзæрдмæ гæсгæ æмæ цы диныл хæст сты, уымæ гæсгæ æххæст, кæнæ хайгай фесафын.
В СОГУ откроется выставка, посвященная Нюрнберскому процессу