2025 азы фæззæг сси Цæгат Ирыстоны Хетæгкаты Къостайы номыл паддзахадон университеты «Фармация»-йы дæсныйады ахуыргæнджытæ æмæ студенттæн тынг бæркадджын. Активонæй архайдтой конкурсты, олимпиадæты æмæ федералон æмвæзадыл наукон мадзæлтты. Равдыстой бæрзонд профессионализм æмæ наукон потенциал.
Фармацийы кафедрæйы доцент Тогызты Аннæйы разамындæй 4-æм æмæ 5-æм курсы студенттæ архайынц Æппæтуæрæсеон конкурс «Провизионеры-2025»-ы номинацийы «Молодой специалист года». Сарæзта йæ афтекты Уæрæсейы ассоциаци. Тестытæ æмæ проектон хæслæвæрдтæ сæххæст кæнгæйæ студенткæтæ Нанаханум Сулейманова, Хуыбиаты Альбинæ æмæ Махъоти Владæ рацыдысты дыккаг турмæ æмæ æнхъæлмæ кæсынц жюрийы уынаффæмæ.
Кафедрæйы дыууæ командæйы – «Авицена» и «Эдельвейс» – уыдысты II Æппæтуæрæсеон фармацевтон олимпиадæ «ФармУмник»-ы архайджытæ. Сарæзта йæ Кубаны паддзахадон медицинон университет. «Авицена» 24 командæйы ‘хсæн бацахста 3 бынат, бæлвырдæй равдыста ЦИПУ-йы студентты цæттæдзинады бæрзонд æмвæзад.
Доцент Марозова Елизаветæйы разамындæй командæ «Фарм Весна» ЦИПУ-йы номæй архайдта Æппæтуæрæсеон студентон фестиваль «ФАРМА — ЭТО ЛЮБОВЬ»-ы. Ацыд Саранскы. Интеллектуалон ерысты хатдзæгтæм гæсгæ райста жюрийы приз. Уымæй уæлдай, кафедрæйы студенттæ æнтыстджынæй архайдтой æмæ систы призертæ регионты ‘хсæн олимпиадæ «Фарммаршрут от молекулы до лекарства — код здоровья» номинаци «Лучший специалист по качеству»-йы.
Сæрмагонд бынат фæззыгон мадзæлтты ‘хсæн бацахста æхсæнадæмон архайдимæ Æппæтуæрæсеон наукон-практикон конференци «Возможности и перспективы организации индивидуального изготовления лекарственных препаратов в современных условиях». Бацæттæ йæ кодта ЦИПУ-йы фармацийы кафедрæ Цæгат Ирыстоны фармацевтон уагдон АО «Фармация»-имæ иумæ. Архайдта дзы Цæгат Ирыстон-Аланийы Республикæйы Росздравнадзоры Территориалон органы цур пациентты бартæ хъахъхъæныны Æхæсæнадон совет.
Конференци байгом кодта ЦИПУ-йы ректор Огъуаты Алан, фæнысан кодта регионы фармацевтон æнæнизхъахъхъæнынад æмæ ахуырады райрæзты темæ. Сæ докладтæ республикæйы афтекты нырыккон уавæры тыххæй бакастысты АО «Фармация»-йы генералон директор Хъодзасти Валентинæ æмæ куыстуаты хæрзхъæддзинадыл дзуапдæттæг, сæйраг специалист Цъæхилты Еленæ.
ЦИПУ-йы номæй радзырдтой фармацийы кафедрæйы доценттæ, фармацевтон наукæты кандидаттæ Вячеслав æмæ Юрий Морозовтæ. Хуынд спикерты ‘хсæн уыдысты нæ бæстæйы фармацевтон уæлдæр ахуырадон уагдæтты минæвæрттæ: С.М.Кировы номыл Æфсæддон-медицинон академи, Цæгат-Кавказаг федералон университет, Казаны паддзахадон медицинон университет, Пятигорскы медико-фармацевтон институт æмæ Курскы паддзахадон медицинон университет. Йæ доклад бакаст Казахстаны националон медицинон университеты профессор Меруерт Тлеубаева.
Конференцийы архайдтой Уæрæсе æмæ Казахстаны 12 уæлдæр ахуырадон уагдоны. Архайджытæ æрдзырдтой хосты индивидуалон рауагъды гæнæнты актуалон фарстатыл æмæ ног тенденциты тæвагыл фармацевтон наукæ æмæ ахуырады райрæзтыл.
