Цæгат Ирыстоны Хетæгкаты Къостайы номыл паддзахадон университеты æхсæнадæмон ахастыты факультеты 2-æм курсы студенткæ Туаты Аринæ сси æрвылазон конкурс «Магистры русского языка»-йы финалист æмæ уый фæрцы Арменийы Республикæмæ 30 бонмæ ацыд командировкæйы.
Программæйы фæлгæтты студенткæ куыд фæсарæйнаг æвзаг амоны уырыссаг æвзаг æртæ скъолайы, горæт Ванадзоры университеты æмæ Хуссар-Кавказаг æфсæн фæндаджы кусджытæн. Ахуырдзаутæ сæ кармæ æмæ æвзаг зоныны къæпхæнмæ гæсгæ сты алыхуызон.
Национ иудзинады Бонмæ Аринæйæн Ванадзоры А.С. Пушкины номыл 4-æм скъолайы 9-æм къласы ахуырдзаутимæ ацыд тематикон урок.
Бацæттæгонд историон мадзалы рæстæг скъоладзаутæ индивидуалон хуызы æмæ командæйæ рæгъмæ рахастой сæ проекттæ. Ахуырдзаутæ фæкъорд сты 5 командæйыл æмæ бацæттæ кодтой презентацитæ, докладтæ æмæ плакаттæ ахæм темæтыл: «День народного единства», «Дружба народов», «Народное единство» æмæ «Единство Армении и России». Куыстытæ хицæн кодтой сæ мидис æмæ сфæлфдыстадон бацыдæй.
Кæронбæттæны сывæллæтты схорзæхджын кодтой адджинæгтæй æмæ иумæ бакастысты, национ иудзинад, æмзæрдиуæг æмæ хæлардзинады нысаниуæг æвдисæг советон мульфильм «Легенда о старом маяке»-мæ.
