Цæгат Ирыстоны Хетæгкаты Къостайы номыл паддзахадон университеты ацыд Уæрæсейы Банчы фембæлд æхсæнадæн æхцайон-кредитон политикæйы хабар бамбарын кæныны фæдыл.
Мадзал æрæмбырд кодта республикæйы уæлдæр ахуырадон уагдæтты ахуыргæнджытæ æмæ студентты, уыдон эксперттимæ иумæ æрдзырдтой æхцайон-кредитон политикæ æххæст кæныны нырыккон методтыл, Уæрæсейы Банчы наукон иртасæнты перспективон здæхтытыл, инфляцион процессты æндæвдыл, æхцайон-кредитон политикæйы эффекты моделировани æмæ куысты нырыккон уавæртыл.
Ныхасы архайдтой Уæрæсейы Банчы æхцайон-кредитон политикæйы Департаменты, Уæрæсейы Банчы Хуссар сæйраг хайады (г.Краснодар) æмæ Уæрæсейы Банчы Хуссар сæйраг хайадмæ хауæг Республикæ Цæгат Ирыстон-Аланийы национ хайады минæвæрттæ.
Æрбадты амонæг уыд Цæгат Ирыстон-Аланийы Уæрæсейы Банчы хайады разамонæг Дзиуаты Иринæ. Уый фæнысан кодта, æхцайон-кредитон политикæйы рахаст уынаффæтыл æхсæнады бæстон кæй дзурынц æмæ Уæрæсейы Банк афойнадыл æмæ æххæстæй кæй архайы рахаст фæндонты фæстиуджыты фæдыл дзуапп раттын.
ЦИПУ-йы ректор Огъуаты Алан загъта уазджытæн æгасцуйы ныхас æмæ сын сæ фæнды тыххæй раарфæ кодта. Уый фæнысан кодта, ахæм мадзæлттæ тынг æххуыс кæй сты æхсæнадæн иуыл актуалон информаци зонын кредиты политикæйы тыххæй.
«Централон банк финансон системæйы сæйраг фæтк аразæгау æхцайон-кредитон политикæйы æвæры сæрмагонд уаг. Комкоммæ йын Уæрæсейы банчы минæвæрттимæ актуалон уавæртыл, рагамындыл æмæ рахаст уынаффæтыл æрдзурны фадат кæй ис, уый у тынг ахсджиаг. Ацы мадзал нæ ахуыргæнджытæ æмæ студенттæн тынг пайда у, уымæн æмæ Уæрæсейы Банк æрмæст раззагдæр экспертон центр нæу, фæлæ егъау куыстдæттæг, профессионалон рæзтæн уæрæх гæнæгтæ гомгæнæг, квалификаци фæбæрзонддæр кæнынæн æмæ фæлтæрддзинадæй фæхай кæнынæн», – загъта Огъуаты Алан.
Уæрæсейы Банчы æхцайы политикæйы управленийы æддагон сектор æмæ финансон базарады хайады сæргълæууæг Дмитрий Коршунов бакаст йæ доклад æхцайон-кредитон политикæйы нырыккон ахастыты фæдыл хъыгъдлæвæрд, рагамынд æмæ Уæрæсейы Банчы куыстаразæг уавæрты тыххæй.
Уый фæстæ Дзиуаты Иринæ радзырдта регионалон аналитикон æххуысы фæдыл сæйраг ставкæмæ гæсгæ. Уый фæнысан кодта, регионалон хайæдтæ кæй аразынц бæстон анализ экономикæйы уавæрæн, оперативонæй бацæттæ кæнынц актуалон бæрæггæнæнтæ æмæ æрвитынц Уæрæсейы Банкмæ сæхи фæндонтæ. Куыстуаты мониторинджы бæрæггæнæнтæй спайда кæнынц анализ æмæ экономон процесстæн рагамынд кæнгæйæ. Уыдон хыгъд æрцæуынц сæрмагонд ставкæ æвæрыны уынаффæ рахасты рæстæг.
ЦИПУ æмæ иннæ уæлдæр ахуырадон уагдæтты студенттæ активонæй архайдтой ныхасы. Уыдонмæ цымыдисаг кастысты регионы инфляцийы динамикæ, республикæйы цæрджыты цардыуагыл ахадæг сæйраг аргъ, кредит райсыны уавæртæ, цифрон сомы райст.
Мадзал кæронмæ ахæццæ кодтой республикæйы уæлдæр ахуырадон уагдæтты ахуыргæнджыты æрбадтæй.
Студентам СОГУ представили актуальные аспекты денежно-кредитной политики Банка России