ЦИПУ-йы æрдзон зонæдтæ æмæ технологиты факультеты студент Бæцойты Артур Цæгат Ирыстоны номæй бæрзонд æмвæзадыл йæхи равдыста æхсæнадæмон конференци «Актуальные вопросы физико-математических наук»-ы æмæ йæ эксперттæ банымадтой ныфсдæттæг æрыгон иртасджытæй иуыл.
Æрыгон ахуыргонд рацыд йæ докладимæ «Моделирование атомных структур и процессов методом диффузного Монте-Карло». Артур йæ куысты бахаста фæндон, æрхъуыдыгонд зонды бындурыл спайда кæнын уæлæмхасæн нымайæн методтæй бæлвырд миниуджытимæ ног бирæкомпонентон наноæрмæджытæ саразынæн.
Рацарæзт фæрæзтæ хæстгдæр рæстæг бæлвырдгонд цæудзысты практикон æгъдауæй. Фæстиуджытæ абардзысты уæрæсейаг иртасæн уагдæттæй райст эксперементалон бæрæггæнæнтимæ, ахæмтæ куыд, синхотронон комплекс КИСИ-Курчатов, СКИФ æмæ Уæрæсейы квантон центр.
ЦИПУ-йы студенты иртасæн тынг цымыдисаг фæкаст наноæрмæджыты физикæйы хайы специалисттæм æмæ йыл зæрдиагæй æрныхас кодтой. СКФУ-йы профессор, УФ Паддзахадон премийы лауреат Мухамед Бавижев конференцийы хатдзæгтæм гæсгæ Бæцойты Артуры хоны националон проект «Новые материалы и химия» кæй аразы, уый проектты архайынмæ.
Уыцы националон проект здæхт у размæдзыд технологиты бындурæн ног фæлтæры æрмæджытæ аразынмæ – наноэлектроникæйæ биомедицинæмæ. Ахæм хæстыл кусгæйæ хъæуы æмиу кæнын егъау, «Мегасайнс» кълассы наукон уагæвæрдтæ æмæ æрхъуыдыгонд зонды методтæ.
Æхсæнадæмон наукон-практикон конференци «Актуальные вопросы физико-математических наук» (Бислиевские чтения) ацыд Цæцæны А.А.Кадыровы номыл паддзахадон университеты. Конференцийы нысан уыдис раззагдæр специалистты æмæ æрыгон ахуыргæндты æмгуыст фæлтæрддзинадæй хай кæнынæн, фæстаг сгуыхтытыл æрдзурынæн, физикæ æмæ математикæйы хайы перспективон иртасæнтæ агурынæн.