Цæгат Ирыстоны ацыд Æппæтуæрæсеон зондамонæн проект «Школа межэтнической журналистики-2025»-ы ахуырты регионалон модуль. Проект бацæттæ кодта адæмыхæттыты ‘хсæн журналистикæйы Гильди адæмыхæтты хъуыддæгты Федералон агентады æххуысæй.
Ацы аз сертификаттæ райстой 23 студенты, УФ 16 регионы ацыдысты онлайн æмæ офлайн ахуыртæ, сæ иу хай рацыдысты онлайн лекцитæ æмæ семинартæм.
«Кæцыфæнды журналист дæр, цæмæй æнтыстджын уа, уый тыххæй йæм хъуамæ уа фæлтæрддзинад, райсæн та йæ ис, фидар теоретикон зонындзинæдтæ æмæ дæм практикон дæсныдзинад куы уа, уæд. Хорз æмæ ис ахæм проекттæ. Студенттæн фадат дæттынц адæмты ‘хсæн ахастыты лыстæг хабæртты æрфысты арæхсын æвзарынмæ, зонгæ сæ кæнынц æрмæст нæ регионы нæ, фæлæ нæ бæстæй адæмыхæттытимæ, – фæбæрæг кодта РЦИ-А адæмыхæттыты ‘хсæн ахастыты журналистикæйы Скъолайы куратор Гуыбыраты Зæлинæ.
Сертификаттæй схорзæхджын кодтой Дзæуджыхъæуы Националон наукон библиотекæйы.
«Мæнæн тынг æхсызгон у, ацы проекты архайын æмæ федералон этапмæ ацæуыны фадат мын кæй фæцис. Уырны мæ, фидæны мын ног гæнæнтæ кæй фæрцы фæзындзæн, ахæм уникалон фæлтæрддзинад кæй райстон, ногæй цы базыдтон, уыдонæй та мæ бон уыдзæн спайда кæнын мæ дарддæры куысты Цæгат Ирыстоны журналистикæйы. Ацы проекты фæрцы мын бантыст хуыздæр базонгæ уæвын нæ республикæйы цæрæг адæмыхæттытимæ, базонын сын сæ культурæ æмæ æгъдæуттæ, проект уыд тынг цымыдисаг æмæ пайдайаг», – загъта скъолайы регионалон хайады рауагъдон Шкарина Аннæ.
Во Владикавказе завершила работу Школа межэтнической журналистики