ЦИПУ-йы студенттæ дарддæр зонгæ кæнынц дисциплинæ «Лæггадæй ахуыр», йæ фæлгæтты ахуыр кæнынц æхсæнадæн пайда хæссын æмæ социалон ахадгæ проекттæ аразын.
Афтæ, психологон-педагогон факультеты студенттæ архайдтой аудиторийы æдде ахуыры TGallery-йы. Базонгæ сты арт-терапийы бындуртимæ, бафæлвæрдтой сæ тыхтæ агуывзæты æрфысты æмæ базонгæ сты, галерей æртæ азы кæй аразы, ахæм горæтаг социалон проекттимæ.
Студентты хъæппæрис зæрдæхæлар хъуыддæгты къæлиндары фæлгæтты архайджытæ сарæзтой «Хæрзгæнæг акци»: агуывзæтæ æрфыстой сывæллæтты нывтæй («сабидуджы хай»), байдзаг сæ кодтой адджинæгтæй æмæ сæ горæты уынгты сывæллæттæн байуæрстой.
Педагогон ахуырады кафедрæйы доцент Екатерина Цыбинаимæ студенттæ уыдысты Мамсыраты Дæбейы номыл сывæллæтты Республикон чиныгдоны. Сæ бацыд нысангонд уыд фидæны волонтерон проекттæн. Архайджытæ базонгæ сты алы хайæдты афæдзмæ арæзт мадзæлтты пълантимæ (историон-бæстæзонæн, æрдзон-наукон, скъолайы агъоммæ, аивадон æмæ æндæртæ), æрдзырдтой æмгуыст кæныны гæнæнтыл. Чиныгдоны кусджытæ равдыстой ног адæмыхæттыты зал, æрæмбырд дзы кодтой Цæгат Ирыстоны цæрæг 16 адæмыхатты тыххæй 460 литературон æрмæг.
Студенттæ æххуыс кæндзысты, горæт æмæ республикæйы фæсивæдимæ кусынæн нысангонд социалон мадзæлттæ цæттæ кæныны æмæ аразыны. Уыцы хъæппæристæ разæнгард кæндзысты чингуытæ кæсынмæ, регионы культурон бынтæм цымыдисдзинад рæзын кæнынмæ æмæ адæмыхæттыты ‘хсæн ахастытæ фидар кæнынмæ.