Цæгат Ирыстоны Хетæгкаты Къостайы номыл паддзахадон университеты дыууæ командæйы бацахстой фыццаг æмæ дыккаг бынæттæ æрвылазон IT-хакатоны. Ацыд Дзæуджыхъæуы Цыппурсæн нысангонд IT-хакатоны фæлгæтты.
Мадзал бацæттæ кодтой Дзæуджыхъæуы электроникæйы колледж компани О2-йы æххуысæй æмæ баиу кодта информацион технологитæ æмæ цифрон фæстиуджытыл кусæг студентты.
Фыццаг бынат бацахста команда СОГУ1, бацыдысты йæм Персаты Станислав (анлитикæ æмæ АI), Хуыгаты Давид (æвдисæнты базæ), Дауыраты Сюзаннæ (frontend) æмæ Амридин Назаров (devops). Дыккаг бынат дæр æрхауд ЦИПУ-йы минæвæрттæм – командæ СОГУ 2. Архайдтой дзы Царахаты Алан (AI), Гуызытаты Георги (fullstack) æмæ Плиты Давид (backend и DataLens).
Æртæ боны дæргъы хакатоны архайджытæ æвзæрстой бизнесæн клиенттимæ телефонæй ныхасы анализæн цифрон æрмæг.
Равзæрстмæ хъуамæ бацыдаид:
▶️ æрбадзырд райсын кæнæ æрбадзырдмæ сразæнгард кæнын;
▶️ ныхас текстмæ раивыны процесс;
▶️ диалоджы ныхас фæхицæн кæнын оператор æмæ клиенты репликæтыл;
▶️ бизнесæн йæхи сæрмагонд хицæндзиндзинад æвдисæг пайдайаг нысан.
Уæлахиздзау командæйы капитан Персаты Станислав фæбæрæг кодта, хакатоны архайд сын ахсджиаг практикон фæлтæрддзинад кæй у:
«Ахæм бизнес-хæслæвæрдыл сæмбæлдыстæм фыццаг хатт. Университеты нæ ахуыр кодтой æрхъуыдыгонд зонд æмæ цифрон фæстиуджытæн проекттæ аразынæн куысты хуызтыл, конкурс та нын радта фадат уыцы зонындзинæдтæй спайда кæнын нæ размæ æвæрд хæслæвæрды фæлгæтты. Иумæйаг куыст æмæ фидар фæлæуды фæрцы æрцыдыстæм ахæм хатдзæгмæ».
IТ-хакатоны фæстиуджытæ, бизнесы домæнтæм гæсæгæ сæ зонындзинæдтæ нырыккон технологитимæ куысты æмæ хъæугæ цифрон æрмæг арæзты, уыдысты ЦИПУ-йы студентты бæрзонд æмвæзадыл цæттæдзинады æвдисæн.
Студенты СОГУ стали победителями и призерами республиканского IT-хакатона