ЦИПУ-йы 1-2 курсыты студенттæн сæ бон у архайын нæ бæстæйы егъау наукон-ахуырадон мадзалы – наукон фæсивæды Æппæтуæрæсеон форумы «Шаг в будущее». Ацæудзæн Мæскуыйы 2026 азы тæргæйтты мæйы 23-æм бонæй 27-æм бонмæ.
Форум æрвылаз баиу кæны æрыгон иртасджыты, æрхъуыдыгæнджыты æмæ инженерты. Вæййы сын фадат сæ куыстытæ æппæтуæрæсеон æмвæзадыл равдисынæн.
Уæрæсейы наукæ æмæ ахуырады Министрады фæсивæдон политикæйы æмæ хъомыладон дæсныйады паддзахадон департамент хъусын кæны, конкурсмæ æвзæрст кæй райдыдта. Йæ хатдзæгтæм гæсгæ сбæрæг уыдзæн архайджыты къорд.
Форумы программæмæ бацыдысты 52 наукон тематикон секцийы, технологион равдыст, æрыгон модельерты фестиваль, конкурстæ æмæ олимпиадæтæ. Базонгæ уыдзысты хуыздæр наукон лабораторитæ æмæ инженерон центртимæ. Сæрмагонд цау уыдзæн къордты тох Уæрæсейы Наукон-технологион кубокы фæдыл.
Форумы архайæн ис конкурсы бындурыл. Куыстытæ исынц куыд программæ «Шаг в будущее»-йы регионалон этапты уæлахидзаутæн, афтæ, ахæм ерыстæ кæм нæ аразынц, ахæм регионты гом конкурсы фæлгæтты.
Гом конкурсы архайджытæ командировкæ æмæ транспортон хæрдзтæ фидынц хибарæй.
Архайджыты регистраци æмæ проектты балæвæрд гом у 2025 азы Джеоргуыбайы мæйы 17-æм бонæй, 2026 азы тъæнджы мæйы 13-æм бонмæ сæ официалон сайтыл.
Форум аразджытæ сты Н.Э.Бауманы номыл МГТУ æмæ Уæрæсейаг фæсивæдон политехникон æхсæнад.
Студентов СОГУ приглашают к участию во всероссийском форуме научной молодежи