Цæгат Ирыстоны Хетæгкаты Къостайы номыл паддзахадон университеты медицинон факультеты студентты дыууæ проекты бацыдысты 2025 азы университетты стартапты перспективон инновацион технологион равзæрстимæ проектты хыгъд топ-1000-мæ.
Стартаптæн аргъ лæвæрдтой бындурон технологион здæхтытæм гæсгæ. Эксперттæ æвзæрстой финансон, нормотивон, кадрон, æмæ æндæр, университетты хъæппæристæн актуалон æвдисæнтæ. Экспертизæйы хатдзæгтæм гæсгæ алы проектæн дæр снысан кодтой баллтæ, уымæй та сбæрæг сæ бынат рейтингы. Цæгат Ирыстоны проекттæй æрмæстдæр ЦИПУ-йы студенткæты стартаптæ бацыдсты уыцы номхыгъдмæ.
Аргъ кæмæн скодтой, уыцы хъæппæристы ‘хсæн уыдис медицинон факультеты студенткæ Кадиты Миланæйы проект, нысангонд уыдис сæрмагонд хæринаджы сконды рацарæзт æмæ йæ рауагъды технологион схемæйы сарæзтæн комыкъултæ полиэтиологион низтæй бахъахъхъæнынæн. Хæххон сыгъдæг бынæтты æрæмбырдгонд кæрдæджыты бындурыл арæзт хосæй къафеттæ мылытæ дзæбæх кæндзысты. Фитокомпозицийы скондмæ бацæуæг антиоксиданттæ комыкъултæ хъахъхъæндзысты алы низтæй.
Номхыгъдмæ бацыд 5-æм курсы студенткæ Чониашвили Тамарæйы проект дæр. Уый бакуыста гипоаллергенон хъæстæлыл, цæмæй дохтыртæм, астæуккаг æмæ кæстæр медицинон кусджытæм æрмкъухтæй дерматит ма фæзына. Хосы уникалон формулæ медицинон æрмкъухты мидæг буар хъахъхъæны, æххуыс у йæ уымæлад æмæ ногæй рацарæзтæн.
Проектты наукон разамонджытæ – химийы наукæты кандидат, ЦИПУ-йы фундаменталон медицинæйы кафедрæйы доцент Саламаты Наталья æмæ фармацевтон наукæты кандидат, кафедрæйы сæргълæууæг Царахаты Ларисæ.
Проекты студентов СОГУ вошли в число лучших университетских стартапов 2025 года