Цæгат Кавказы хæххон-металлургон институты ацыд æрыгон иртасджыты Республикон конкурс «Ступень в науку»-йы XXIII комкоммæ этап, архайдтой дзы сæдæ скъоладзауæй фылдæр.
Конкурсы фæлгæтты сæхи фæлвæрдтой 20 зонадæй фылдæры – физикæ, математикæ, биологи, робототехникæ, инновацион технологитæ, аивадон иртасæнтæ æмæ æндæрты.
Физикæйæ профессионалон жюримæ бацыдсты ЦИПУ-йы ахуыргæнджытæ: техникон наукæты кандидат, физикæйы конденсацигонд уавæры кафедрæйы доцент Дауыраты Альбинæ, физикон-математикон наукæты доктор, профессор Търиаты Анатолий, физикæ æмæ астрономийы кафедрæйы хистæр ахуыргæнæг Берозты Артур.
Эксперттæ аргъ лæвæрдтой иртасæны методикæйæн, ногдзинадæн, эксперименты хæрзхъæддзинадæн æмæ фстиуджытæ бамбарын кæнынæн. Æвзæрстой хуыздæр проекттæ схорзæхджын кæнынæн æмæ дарддæры райрæзтæн.
Аргъгонд куыстытæ уыдысты ахæм темæтыл куыд Теслайы къæбæлæй спайда кæнгæйæ магнитон фæзуат саразын, растровон электрон микроскопыл хуызистытæ скæнын, инфрамырты ахадындзинад удгоймæгтыл æмæ æндæртæ.
Преподаватели СОГУ — в жюри республиканского конкурса молодых исследователей «Ступень в науку»