Уæлдæр ахуырадон æмæ астæуккаг сæрмагонд ахуырадон уагдæтты студентты хонынц VIII сезоны социалон проекттæ «Инносоциум»-ы Æппæтуæрæсеон студентон конкурсы архайынмæ. Здæхт у социалон нысаниуæгджын проблемæтæм æмæ сæ равзæрсты фæдыл хъæппæристæм фæсивæды цæстæнгас раздахынмæ.
Номинациты уæлахиздзаутæ райсдзысты грант 400 000 сомы бæрц сæ проект рауадзынмæ æмæ хуынд æрцæудзысты ПМЭФ-2026 архайынмæ, йæ оператор Фонд Росконгресс. Ам уыдзысты кадджын уавæры хорзæхджынгонды церемониимæ сæрмагонд сессийы архайджытæ. Уый тыххæй та хъæуы сайтыл курдиат бадæттын.
VIII-æм сезоны проекттæм кæсынц 7 номинацимæ гæсгæ:
- «Активонæй бирæцæрынад»
- «Сылгоймаг къухдариуæгад»
- «Хъæддаг сырдтæ æмæ стæм сырды хуызтæ бахъахъхъæнын»
- «Инклюзивон æхсæнад»
- «Территориты райрæзт»
- «Уæрæсейы уд: культурæ æмæ традицитæ бахъахъхъæнын»
- «Алфамбылай æрдз: экологион инновацитæ фидæнмæ»
Курдиæттæ бадæттæн ис тъæнджы мæйы 26-æм бонмæ. Уый фæстæ проекттæн аргъ скæндзысты Экспертон совет – финалистты тыххæй фехъусын кæндзысты æртхъирæны мæйы 12-æм бон. Проектты питчинг æмæ уæлахиздзауты снысан кæндзысты тæргæйтты мæйы 24-æм бон.
VIII сезоны социалон проекттæ «Инносоциум»-ы Æппæтуæрæсеон студентон конкурсы уæлахиздзауты схорзæхджын кæндзысты Петербурджы æхсæнадæмон экономикон форумы 2026-æм азы хурхæтæны мæйы. Фæндаггаг æмæ цæрынæн æхцайы фæрæзтæ уæлахиздзаутæн рахицæн кæндзæн Фонд Инносоциум, аккредитаци та ПМЭФ-2026.
Конкурс «Инносоциум» цæуы УФ наукæ æмæ уæлдæр ахуырады Министрад, УФ рухсады Министрад æмæ Фонд Росконгрессы æххуысæй, Уæрæсейы Федерацийы Президенты грантæй спайда кæнгæйæ. Конкурсы партнертæ – ПАО «Банк ПСБ», компани Resulting, продюсерон центр «Инсайт люди», руагъдад «Альпина Паблишер». Информацион партнертæ – Сноб, Русская медиагруппæ.