«Мировая экономика» æмæ «Международный бизнес и логистика»-йы цæттæдзинады дæсныйад исæг студенттæн бацæттæ кодтой онлайн-лекци УФ фæсарæйнаг хъуыддæгты Министрады минæвар Лилия Ромаданимæ æмæ Уæрæсейы фæсарæйнаг хъуыддæгты Министрады æрыгонд дипломатты Советы сæрдары хæдивæгимæ. Геополитикæ, дипломати, æхсæнадæмон æдасдзинад – ацы æртæ фæзилæны уыдысты ныхасы бындурон, нырыккон дуне куыд арæзт у, уый фæдыл.
Уæлдай цымыдисдзинад студенттæм фæзынд фæсарæйнаг хъуыддæгты Министрад кæй аразы, уыцы фæсивæдон хъæппæристæ æмæ проектты тыххæй ныхас. Лилия Ромадан бæстон æрлæууыд цалдæрыл:
«Страновед» – рухсадон проект, уый зонгæ кæны фæсивæды алы бæстæты культурæ, истори æмæ традицитимæ, æххуыс кæны фидæны дипломаттæн дуне хуыздæр æмбарынæн æмæ æхсæнадæмон коммуникацитæ рацаразын.
«Дипломатия Победы» – проект нывондгонд уыд Фыдыбæстæйы Стыр хæсты рæстæг советон дипломатийы бынатæн историон мысæн бахъахъхъæнынæн. Архайджытæ кусынц архивон документтимæ, æмбæлынц ветерантимæ æмæ кусынц, Уæлахизмæ СССР-ы бавæрæны тыххæй рæстдзинад бахъахъхъæныныл.
Ахæм проекттæ дæттынц студенттæн профессийы аныгъуылыны фадат, райсын уникалон фæлтæрддзинад æмæ ма хи æхсæнадæмон æмвæзадыл равдисын дæр.
Сæрмагонд цæстдард цыд æрыгон специалистты бынатæн æхсæнадæмон змæлды. Æрныхас кодтой тæссагдзинад æмæ æртхъирæнтыл глобалон, националон æмæ персоналон æмвæзадыл.
Лекцимæ æхсызгон æфтуан уыдис Дзæуджыхъæуы фæсарæйнаг хъуыддæгты Министрады Минæварады хуыздæр специалист-эксперт, ЦИПУ-йы æхсæнадæмон ахастыты факультеты рауагъдон Абысалты Давиды æрбацыд.
Æхсæнадæмон экономикон ахастыты кафедрæйы сæргълæууæг Цуциты Оксанæ фæнысан кодта: «Мах æмбарæм факультеты студентты цымыдисдзинад æхсæнадæмон ахастытæм рæзын кæныны æнæмæнгдзинад, нырыккон дунеон системæйы алыхуызон функционалон барынад, Уæрæсе æмæ фæсарæнты нырыккон политикон процесстæ. Уый фæдыл мах фæдзырдтам æрыгон дипломаттæм бакалавриат æмæ магистратурæйы студенттимæ цæмæй аныхас кæной Уæрæсе æмæ фæсарæнты дипломатты куысты тыххæй».
Æхсæнадæмон ахастыты факультеты декан Сихъоты Мæдинæйы хъуыдымæ гæсгæ, «ахæм æмгуыстад уыдзæн, æнæмæнгæй, пайда куыд нæ студенттæн æмæ æрыгон специалисттæн, сæ профессионалон рæзтæн, афтæ дипломатон кусджытæн дæр, сæ фæлтæрддзинад æхсæнадæмон ахастдзинæттыл æнувыд чи у, уыцы студенттæм фæхæццæ кæнынæн».
Мадзал бацæттæ кодтой æхсæнадæмон экономикон ахастыты кафедрæ. Йæ нысан – студентты дипломатон куыст фенын кæнын, се мбарынад сын фæуæрæхдæр кæнын.
