Цæгат Ирыстоны Хетæгкаты Къостайы номыл паддзахадон университеты сбæрæг кодтой Фыдыбæстæ хъахъхъæнæджы Бон. Бæрæгбоны фæдыл мадзæлттæ ацыдысты уæлдæр ахуырадон уагдоны цур Æфсæддон ахуырадон центры æмæ йæ кæрон официалонæй байгом кодтой сæрмагонд хæстон операцийы архайджытæн хойраг аразынæн фабрикæ-цæлгæнæн.

Æфсæддон ахуырадон центры плацыл кадджын æрлæудæй райдыдта бæрæгбон. Мадзалы архайдтой Республикæ Цæгат Ирыстон-Аланийы сæргълæууæг Сергей Меняйло, хицауады сæрдары хæдивæг Томайты Ирбек, РЦИ-Аланийы ветеранты Советы сæрдар Фриаты Хъазыбег, ЦИПУ-йы ректор Огъуаты Алан æмæ уæлдæр ахуырадон уагдоны администраци æмæ ахуыргæнджытæ.

Æдзæмæй алæугæйæ æрымсыдысты хæсты быдырæй чи не ‘рыздæхт, уыдоны ном. Уый фæстæ центры курсанттæ 58-æм армийы орекстры аккомпониментмæ азарыдысты Уæрæсе æмæ Аланийы гимн.

Бæрæгбоны фæдыл курсанттæн раарфæ кодта нæ республикæйы сæргълæууæг Сергей Меняйло. Уымæн йæ зæрдæ загъта фæсивæдæн сæ бæстæйы патриоттæ уæвын æмæ сæ сæртæ бæрзонд хæссын нæ фыдæлты героикон историйæ.

Республикæйы сæргълæууæджы кады гæххæттытæй схорзæхджын кодтой тактикон циклы æмæ тактикон-сæрмагонд цæттæдзинадæй хицауы Милошенко Андрейы æмæ ахуыргæнæг, дæлбулкъон Мæргъиты Феликсы. Ахуыры бæрзонд æвдисæнтæм гæсгæ æмæ Æфсæддон ахуырадон центры цæттæдзинадмæ гæсгæ кадджын хорзæх радтой Уртаты Зауырбегæн.

ЦИПУ-йы ректор Огъуаты Алан дæр раарфæ кодта архайджытæн. Фехъусын кодта, ног ахуыры аз Центры æфсæддон цæттæдзинад кæй исдзысты республикæйы иннæ уæлдæр ахуырадон уагдæтты студенттæ дæр – Æфсæддон ахуырадон центры курсанттæ уыдзысты ЦИПМА æмæ ХПАУ-ы студенттæ.

 «Мах арæхстгай хъахъхъæнæм нæ хистæрты тыххæй мысæн – Фыдыбæстæйы Стыр хæстмæ чи ацыд Райгуырæн зæхх хъахъхъæнынмæ, уыцы ахуыргæнджытæ æмæ студентты тыххæй. Мах стæм сæрыстыр ныртæккæ сæрмагонд хæстон операцийы чи архайы, уыцы студенттæй æмæ ахуыргæнджытæй дæр. Мæ зæрдæ сын зæгъы, сæ размæ чи уыдис уыдоны мысæны аккаг куыд уой æмæ хъахъхъæной Фыдыбæстæ кæм сты, уым. Уымæн ис гæнæн хæсты раззагдæртимæ, зонадон лабораторийы кæнæ конструкторон бюройы – сæйрагдæр, йæ бындуры сыгъдæгзæрдæ нывонд куыд уа. Бæрæгбоны хорзæх уæ уад, курсанттæ! Фыдыбæстæ хъахъхъæнæджы Бонимæ! – загъта Огъуаты Алан.

Ректор схорзæхджын кодта арфæйы гæххæттытæй тактикон циклы æмæ тактикон-сæрмагонд цæттæдзинадæй ахуыргæнæджы, булкъон Александр Масляницины йæ бæрзонд профессионализм, бæрнондзинад æмæ æфсæддон хæсмæ æнувыддзинады тыххæй йæ куысты мидæг. Афтæ, йæ хорз ахуыр, дисциплинæ æмæ æфсæддон хæсмæ æнувыддзинады тыххæй фæбæрæг кодтой Æфсæддон центры курсант Гайты Арсены.

Уымæй уæлдай, бæрзонд æвдисæнты тыххæй хорзæхтæ райстой ЦКГМИ-йы курсанттæ Хъарданты Тамерлан æмæ Омаров Руслан. Дарддæр фембæлд ацыд Æфсæддон ахуырадон центры мидæгæй. Уазджытæн бацæттæ кодтой экскурси, хæцæнгæрзты равдыст. Уый фæстæ архайджытæ ацыдысты ЦИПУ-йы 2-аг æмдзæрæнмæ. Уым байгом фабрикæ-цæлгæнæн. Проект бацæттæ кодтой меценат Серхио Эрнандесы æххуысæй – куырыхон советон сгарæг, Советон Цæдисы хъайтар, инæлар-булкъон Мамсыраты Хаджи-Умары хъæбулы хъæбул.

Фабрикæ-цæлгæнæн здæхт у хæрзхъæд æмæ æдас продукци уадзынмæ. Нырыккон кусæн гарзæй ифтонг: автоклаватæ, дегидратортæ, уазалгæнæн скъæппытæ, индукцион пецтæ æмæ сæлæн камерæтæ. Алыхуызон хæрæинæгтæ – ретор-пакетты хæринæгтæ, дзидзайæ æмæ дыргъты продукцийæ, хус дыргъы, æнгуз æмæ æндæр продукттæ дзæвгар рæстæг ма сæвзæр уæвыны фадатимæ. Хæстæг рæстæджы фæнд кæнынц хи цыхтахæсæн байгом кæнын.

Рауагъдад цæуы университеты æрдзон наукæтæ æмæ технологиты факультеты хойраджы продуктты технологийы кафедрæйы бындурыл.

ЦИПУ дыууæ азы дæргъы йæхи тыхтæй цæттæ кæны сæрмагонд хæстон операцимæ продукци – хус хъæрмхуыппытæ, каштæ, дыргътæ. Проекты тыххæй базыдта куырыхон сгарæг Мамсыраты Хаджи-Умары хъæбулы хъæбул Серхио Эрнандес. Уый бахаста курдиат респуликæйы сæргълæууæг Сергей Меняйломæ хæстонтæн продукци апарахат кæнын æмæ уæрæх рауагъд æрвитын сæрмагонд хæстон операцимæ. Хъæппæрисыл сразы сты регионы хицауад дæр æмæ сси бындур проекты дарддæры райрæзтæн. Мадзалы алцыппæт хæрдзтæ хъæпæрисы сæххæстæн йæхимæ райста меценат Серхио Эрнандес.

Ныр ног фæзуат уыдзæн ахуырдзаутæн лабораторон æмæ рауагъдон практикæйы æххæст базæ.

 «Махæн бантыст университетимæ эффективон æмгуыстад саразын. Уагдоны специалистты профессионалон компетенцитæ фадат дæттынц хæрзхъæд хойраг аразын æнæ зианхæссæг æфтауæнтæй. Фæзуат гом у бархионтæн – хæринаг кæнынмæ чи арæхсы, уыдонæн сæ бон у æрбацæуын. Уымæй уæлдай, студенттæ райсдзысты практикон цæттæдзинад. Кусдзысты рецепттыл æмæ сæхи хъæппæристæ рæгъмæ хæсдзысты, практикæйы сæ пайдагæнгæйæ» – фæнысан кодта меценат Серхио Эрнандес.

Фабрику-кухню по производству питания для бойцов СВО запустили в СОГУ