Республикон зонадон конкурс «Юный историк Алании-Осетии»-мæ куыстытæ исын райдыдтой. Архайын дзы сæ бон у 10-11 кълæсты ахуырдзаутæн, колледжтæ æмæ лицейты студенттæн.
Конкурсы уæлахиздзаутæн фæзындзæн ЦИПУ-йы историон факультетмæ цæугæйæ пайдайаг уæлдæрдзинад: I-аг къæпхæны диплом ратдзæн 5 уæлæмхасæн баллы, II-аг къæпхæны – 4 баллы, III-аг къæпхæны – 3 баллы. Дипломтæн се ‘мгъуыд у 2 азы.
Зонадон-иртасæн куыстыты фæзилæнтæ:
- Уырыссаг-ирон ахастытæ ХVIII-ХIХ æнусты;
- Революцийы агъоммæ Дзæуджыхъæу периодикон мыхуыры;
- Цæгат Ирыстоны æрвылбон цард 1920-1960-æм азты;
- Цæгат Ирыстон Фыдыбæстæйы Стыр хæсты рæстæг;
- Националон-паддзахадон арæзтад Цæгат Ирыстоны XX-æм нæусты: автономон бæстыхайæ автономон республикæмæ;
- Алани-Ирыстоны зындгонд политикон архайæджы историон портрет ХУШ-ХХ æнусты;
- Ирон хъæутæ æмæ мыггæгты истори.
Бæстондæр уагæвæрд ныууадздзыстæм комментариты.
Куыстытæ бадæттæн ис тæргæйтты мæйы 31 бонмæ. Æрмæг æнæмæнг арвитын хъæуы постмæ istorik.alania@mail.ru, мыхуыргонд æрмæджытæ та адрисмæ: г.Дзæуджыхъæу, Ватутины уынг 44-46, рагацау оргкомитетимæ баныхасгæнгæйæ.
Дарддæр конкурсы жюри равзардзæн куыстытæ комкоммæ этапмæ, ацæудзæн хуымгæнæны мæйы 25-26 бонты. Конкурс арæзт цæуы Цæгат Ирыстоны Хетæгкаты Къостайы номыл паддзахадон университеты, РЦИ-Аланийы ахуырад æмæ наукæйы министрады, РЦИ-Аланийы Архивон службæйы æмæ РЦИ-Аланийы Уæрæсейаг историон æхсæнады хайады æххуысæй.
Æппæт фæрстыты фæдыл уæ бон у бафæрсын ЦИПУ-йы историон факультеты декан Плиты Тимуры чызг Зæлинæйы, телефон +7 919 822 19 45.
Конкурс Юный историк Алании-Осетии-йы уагæвæрд
Стартовал приём работ на республиканский научный конкурс «Юный историк Алании-Осетии»