Æхсæнад «Знание»-йы уæрæх марафон «Россия – семья семей» цæуы Националон центр «Россия»-йы. Уæрæсейы президент Владимир Путин дзы фехъусын кодта, ацы аз Уæрæсейы адæмыхæттыты иудзинады ном кæй хæсдзæн.
Марафоны архайдтой фæсивæд, 4 мин адæймагæй фылдæр – нæ бæстæйы адæмты 160 минæвары æмæ уазджытæ хæстæгдæр фæсарæнтæй.
ЦКФЗ-æй дзы архайдтой алы адæмыхатты 84 минæвары зылды авд субъектæй. Цæгат Ирыстон-Аланийы делегацимæ бацыдсты Цæгат Ирыстоны Хетæгкаты Къостайы номыл паддзахадон университеты 10 студенты – нæ республикæйы цæрæг адæмыхæттытæй минæвæрттæ.
Иттæг хорз бæрæггæнæн уыдис уый, æмæ сæ алчи дæр Мæскуымæ ацыд йæхи националон уæлæдарæсы, уыдис марафоны темæйы æмæ Уæрæсейы кульурон хъæздыгдзинады удæгас æвдисæн.
Марафоны архайдтой паддзахадон кусджытæ, Уæрæсейы Геройтæ, сгуыхт спортсментæ, культурæ æмæ аивады кусджытæ. Культурон программæ баххæст кодтой зындгонд этно-поп артисттæ. Фестивалы уæрæх программæ фæсивæдæн уыд æвдисæн нæ фыдыбæстæйон культурон хъæздыгдзинадæн.
