Цæгат Ирыстоны паддзахадон университеты райдыдта цæуын квалификаци фæбæрзонддæр кæнынæн егъау ахуырадон программæ «Команда Алании: Муниципальный уровень».
Йæ аразджытæ сты РЦИ-Аланийы Президентон академийы Минæварад, РАНХиГС-ы Уæлдæр скъолайы паддзахадон фæткдариуæгад æмæ РЦИ-Аланийы Сæргълæууæджы администраци æмæ Хицауад.
Курсытæ нысангонд сты, нырыккон уавæрты кусынмæ арæхсæг разамонджыты ног кадрон резерв бацæттæ кæнынæн. Федералон æмвæзадыл эксперттимæ архайджытæ æвзардзысты разамынды гæнæнтæ: пълан скæнынæй бизнес æмæ адæмимæ эффективон куыстмæ. Архайджытæ базондзысты, республикæйы цардыуагыл хорзырдæм фæзынынæн проекттыл кусын.
Ахуыр цæудзæн модульты принципыл æмæ ЦИПУ-йы ацæудзæн æртæ комкоммæ хайы РАНХиГС-ы хуыздæр федералон экспертты архайдимæ, стæй æртæ дистанцион блочы хибарæй куыстæн. Бындурон элемент уыдзæн проектон дæсныйад: æппæт курсы дæргъы командæтæ кусдзысты стратегион хъæппæристыл сæ муниципалитеттæн.
Ахуырмæ æрбахуыдтой ВШГУ РАНХиГС-ы хуыздæр специалистты æмæ федералон æмвæзадыл хуынд экспертты. Се ‘хсæн:
- Егор Хаценко — РАН-ы профессор, экономикон наукæты доктор, Президентон академийы рагзагъды Центры сæйраг наукон кусæг;
- Дмитрий Наринский — Уæрæсейы кадджын архитектор, Мæскуыйы архитектурæйы Æхсæнадæмон академийы хайады академик;
- Екатерина Шугрина — юридикон наукæты доктор, СПбГУ-йы конституцион барады кафедрæйы профессор, Президентон академийы ВШГУ-йы эксперт;
- Ольга Езикеева — НÆ «Национальная Ассоциация агентств инвестиций и развития»-йы экспертон советы уæнг, Союз «Торгово-промышленная палата Тюменской области»-йы Президент æмæ æндæртæ.
Программæ æмæ кæронбæттæн аттестаци æнтыстджынæй ацæуыны фæстæ архайджытæ райсдзысты æвдисæндартæ нысангонд хуызæгмæ гæсгæ квалификаци фæбæрзонддæр кæныны фæдыл.
В Северной Осетии стартовал масштабный образовательный проект РАНХиГС для управленцев республики