Цæгат Ирыстоны паддзахадон университеты зындгонд персайнаг поэт Абулькасима Фирдоусийы цыртдзæвæнмæ бавæрдтой дидинджытæ, уымæй равдстой Ирыны адæмимæ иузæрдиондзианд æмæ адæмы ‘хсæн культурон диалоджы ахсджиагдзианд. Церемонийы архайдтой университеты разамонджытæ, ахуыргæнджытæ, студенттæ æмæ уæлдæр ахуырадон уагдоны уазджытæ: Дзæуджыхъæуы Уæрæсейы фæсарæйнаг хъуыддæгты министрады минæвар Мамиаты Багир, РЦИ-Аланийы Æхсæнадон палатæйы Минæвар Нинæ Чиплакова, РЦИ-Аланийы националон политикæ æмæ æддагон бастдзинæдты министр Бæгъиаты Алан. Архайджытæ æрымысыдысты, ирайнаг адæмы националон хиæмбарынад æмæ дунеон культурæйы традици кæй сфæлдыстад сси, уыцы зындгонд поэты кадджын ном.
Акцийы архайджытимæ ныхасгæнгæйæ ЦИПУ-йы историон факультеты декан Плиты Зæлинæ фæнысан кодта, поэзи æмæ культурæ кæдфæнды кæй уыдысты адæмты кæрæдзи æмбарыны бындур.
«Хетæгкаты Къостайы ном хæссæг университеты уæвгæйæ, мах уæлдай тынг æмбарæм алы культурæтæ æмæ поэтикон традицитæ чи иу кæны, уыцы монон бастдзинад. Абон мах кад кæнæм зындгонд персайнаг поэт Абулькасима Фирдоусийæн æмæ мысæм, поэттæ алы рæстæг дæр бæрзонд кæй истой, уыцы æнусон хæзнатæ,», – загъта уый.
ЦИПУ æмæ ирайнаг академион центрты ‘хсæн бирæ азты дæргъы ис æнæфæцудгæ наукон-ахуырадон бастдзинæдтæ. Сæрайгдæр партнертæй иу у Алламе Табатабаийы университет – Ираны гуманитарон университет, иумæйаг ахуырадон æмæ наукон хъæппæристæ кæимæ æххæст кæнынц.
Цыртдзæвæнмæ дидинджытæ бавæрыны фæстæ фембæлд адарддæр кодтой æхсæнадæмон æмгуыст æмæ гуманитарон æмархайды актуалон фæрстытæ равзарынæй, дарддæры академион басдзинæдты ныффидарæй æмæ университетты ‘хсæн иумæйаг проектты райрæзтæй.
