Цæгат Ирыстоны Хетæгкаты Къостайы номыл паддзахадон университеты цæуы æрвылазон сфæлдыстадон фестиваль «Студенческая весна – 2026».
Ацы азы фестивалы темæ у «Мы разные — мы вместе». Студенттæ бацæттæ кодтой музыкалон, театралон æмæ кæфтыты номыртæ. Æртæ конкурсон боны дæргъы архайджытæ равдисдзысты 19 номинацийы 160 номыры.
Номинацитæ фæкъордтæ кодтой 6 хайыл: театралон, музыкалон, кафты, оригиналон жанр, модæ æмæ медиа. «Медиа» ацы аз фæзынд фыццаг хатт. Бацархайæн дзы ис дыууæ номинацийы – хъуыздæр хуызист æмæ хуыздæр видеорепортаж.
Æппæты ирддæр номыртæ бацæудзысты гала-концерты программæмæ, ацæудзæн тæргæйтты мæйы 27-æм бон.
Фестиваль «Студенческая весна СОГУ-2026»-йы уæлахиздзаутæ университеты номæй архайдзысты республикæйы æмвæзадыл. Иннæ къахдзæф та уыдзæн Æппæтуæрæсеон студвесна.
