РЦИ-Аланийы Националон музейы байгом наукон-популярон фестиваль «Большая наука». Баиу кодта Ядерон иртасæнты иугонд институт æмæ Цæгат Ирыстоны паддзахадон университеты ахуыргæндты.
Фестивалы скъоладзаутæ, студенттæ æмæ кæй фæнды, уыдон базонгæ уыдзысты нырыккон наукон иртасæнтимæ, размæдзыт технологитимæ æмæ базондзысты наукæйы карьерæ саразыны гæнæнтимæ.
Мадзал байгом кодта ЦИПУ-йы наукон дæсныйадæй ректоры хæдивæг Тенгиз Тиникашвили. Ректор Огъуаты Аланы номæй раарфæ кодта уазджытæн æмæ сын йæ зæрдæ загъта æнтыстджын куыст.
Музейы фойейы рацарæзтой интерактивон экспозици «Физика без границ», фæлтæрдджын ахуыргæндтæ æмæ æрыгон иртасджытæ равдыстой сæ нырыккон райрæзтыты хуызæгтæ физикæ æмæ микроэлектроникæйы къабазы. Уазджытæн равдыстой электрон ток уадзынæн сæрмагонд гарзы куыст, химион опыттæ. Сæ бон дзы уыд архайын алкæмæн дæр.
Фестивалы фыццаг бон лекци бакаст Александрæ Иванова, ЯИИИ-йы А.П.Джелеповы номыл ядерон проблемæты Лабораторийы кусæг. Йæ лекци нысангонд уыдис Байкалы æрфыты æмæ Кавказы хæхты сусæггаг хайыгтæн. Лекци фæцис лæвæрттимæ викторинæйæ. Уый фæстæ та ацыд мастер-класс детектор аразынæй нæзынгæ хайыгтæ «æрцахсынæн».
Наукон фестиваль ацæудзæн тæргæйтты мæйы 18-æ бонмæ. Дыккаг бон нысангонд уыдзæн рæстæджы системæ æмæ инженерон скъолатæн – хистæркъласонтæ базондзысты «Дубна»-йы Университетимæ иумæ наукæмæ бахизыны гæнæнтæ. Дарддæр тæргæйтты мæйы 17-æм бон ацæудзысты интерактивон лекцитæ электроникæйы райрæзтæй æмæ Зæххыл царды сæвзæрдæй. Фæстаг бон ацæудзысты кæронбæттæн мастер-класстæ электроникæйы программированийæ æмæ разамынды программæтæ сарæзтæй.
Во Владикавказе стартовал фестиваль науки и технологий будущего