Цæгат Ирыстоны паддзахадон университеты студенттæ, сфæлдыстадмæ цымыдис кæмæ ис – дизайнмæ, литературæмæ æмæ нырыккон аивадмæ – уыдонæн сæ бон у сæ сæрдыгон рæстæг пайдаимæ арвитын æмæ ног профессионалон бастдзинæдтæ аразын.
Хурхæтæны мæйы 21- 27-æм бонты сæрдыгон скъола «Диалоджы аивад» æрæмбырд кæндзæн 400 æрыгон нывгæнæджы æмæ ратдзæн фадат хъæппæристæй кæрæдзиимæ фæхай кæнынæн, экспертты разамындæй сæхи проекттæ аразынæн.
Уыдзæн фондз аивадон скъолайы: фольклор æмæ Уæрæсейы адæмты аргъæуттæ, комикстæ, графикон дизайн, терапевтон клоунадæ æмæ уынгты театр.
Фольклор æмæ Уæрæсейы адæмты аргъæутты аивадон скъолайы архайджытæ иртасдзысты æмæ ногæй интерпретаци кæндзысты традицитæ. Литературон къабазы экспертты разамындæй æрыгон фысджытæ æмæ филологтæ сараздзысты национ æмæ регионалон фольклоры бындурыл оригиналон аргъæуттæ æмæ сæ равдисдзысты кæронбæттæн питчинг-сессийы.
Комиксты аивады скъолайы сфæлдыстадон къордтæ сараздзысты сæхи проекттæ, уырыссаг культурон коды нырыккон интерпретаци æвдисгæйæ. Графикон дизайны аивадон скъолайы программæ дизайнертæ æмæ иллюстратортæн фадат ратдзæн чысыл æмæ астæуккаг бизнесы реалон хъуагдзинæдтимæ кусынæн.
Терапевтон клоунты аивадон скъолайы архайджытæ æрмæст практикон дæсныйæдтæ нæ райсдзысты, фæлæ ма ахуыр кæндзысты, куыд æрбангом кæнын хъæуы партнертæ æмæ спонсорты, куыд æххæст кæнын хъæуы гранттæ, æмæ куыд аразын хъæуы æмгуыстад медицинон уагдæттимæ социалон проекттæ æххæст кæныны тыххæй.
Уынджы театралон аивадон скъолайы архайджытæ ахуыр кæндзысты пластикæ, импровизаци æмæ æххæстгæнæн æвзаг, базондзысты горæты фæзуатимæ куысты техникæтæ æмæ ахуыр кæндзысты, æнæ ныхæстæй куыд æрбангом кæнын хъæуы аудитори, ууыл.
Сæрдыгон скъоламæ регистраци гом у хуымгæнæны 30-æм бонмæ.
Архайджытæн уыдзæн лæвар цæрыны бынат аивадон кластеры бæстыхайы æмæ бон æртæ хатты хæринаг. Фæндаггон хæрдзтæ æххæст кæны фысымуатон организаци.
Открыт набор на летнюю школу «Искусство диалога» для молодых творцов