Камбилеевкæйы 1-æм скъолайы ацыд ЦИПУ-йы студенттæн Карьерæйы бон. Уый уыд дыккаг фембæлд, университеты Карьерæйы центр студентты куыстæй сифтонг кæныны проекты фæлгæтты кæй бацæттæ кодта.
Фембæлдмæ æрбацыд 40 студенты бæрц, сæ дæсныйадмæ гæсгæ Горæтгæрон районы ахуырадон уагдæтты кусынмæ чи фæнд кæны, ахæмтæ.
Районы скъолаты директортæ радзырдтой студенттæн, цавæр ахуыргæнджытæ сæ хъæуы, профессионалон рæзты фадæттæ æмæ куысты уавæрты тыххæй.
Уыдон ма цыбырæй радзырдтой скъолаты тыххæй, фæнысан кодтой алы скъолайы хицæн миниуджытæ æмæ хъомысджын æууæлтæ дæр.
Карьерæйы центр радон ахæм балц цæттæ кæны Рахизфарсы районмæ æмæ ма студенттæн фæзындзæн иу фадат бамбарынмæ, кæцы скъолайы уынынц сæхи ахуыргæнæджы хуызы.
Центры директор Тыджыты Даянæйы ныхæстæм гæсгæ, ацы фембæлдты фæстæ хатдзæгтæ сты ныфсдæттæг: студентты цымыдисдзинад рæзы скъолаты кусынмæ.
Зæрдыл лæууын кæнæм, мадзал бацæттæ кодтой ЦИПУ-йы карьерæйы центр Цæгат Ирыстоны ахуырад æмæ наукæйы министрадимæ иумæ.
Будущее образования начинается с живого разговора о профессии