Цæгат Ирыстоны Хетæгкаты Къостайы номыл паддзахадон университеты байгом регионты ‘хсæн зонадон-практикон конференци, «Гармонизация межнациональных и межрелигиозных отношений как фактор стабильности в регионе». Ныхасы сæйраг темæ уыд нырыккон геополитикон уавæры паддзахадон национ политикæ æххæст кæнын.
Архайджыты ‘хсæн уыдысты Цæгат Кавказы федералон зылды æмæ Уæрæсейы æндæр регионты зонадон æхсæнады, республикон хицауады оргæнты минæвæрттæ, адæмыхæттыты æмæ динты ‘хсæн ахастдзинæдты раззагдæр эксперттæ.
Пленарон æмбырд арфæйы ныхасæй байгом кодта Цæгат Ирыстоны национ политикæ æмæ æддагон бастдзинæдты министр Бæгъиаты Алан. Уый фæнысан кодта, паддзахад, æхсæнад, зонадон æхсæнад æмæ национ иугæндты ‘хсæн æмархайд кæй ис бæрзонд æмвæзадыл.
«Паддзахад æхсæнад æмæ наукæимæ иумæ цы куыст кæны, уый ис бæрзонд æмвæзадыл. Мах сарæзтам дины структурæтимæ æмæ национ æхсæнадтимæ æмархайды эффективон системæ. Цæгат Ирыстоны цæры 107 адæмыхæттыты минæвæрттæ, æмæ сæ 35 азы дæргъы ассоциаци æнгом кæны. Президент 2026-æм снысан когдта куыд адæмыхæттыты иудзинады аз. Ахæм конференцитæ та – ахсджиаг бавæрæн ацы куыстмæ», — загъта Бæгъиаты Алан.
Архайджытæн ма раарфæ кодта ЦИПУ-йы наукон дæсныйады ректоры хæдивæг Тенгиз Тиникашвили дæр. Уый фæнысан кодта, университеты æхсæнадæн уæлдай ахсджиаг кæй у адæмыхæттыты æмæ динты ‘хсæн ахастдзинæдты гармони. “Мах æмбарæм, компетенцитæ æмæ æхсæнадон æмбарынады æрбæстон кæнын æрцæуы университеты мидæг. Уымæ гæсгæ, цыфæнды ног кæнæ уæвæг æгъдæуттæ æхсæнэтникон æмæ æхсæндинон ахастытæ организаци кæнынæн, цыфæнды методтæ æмæ рæзты моделтæ, сты махæн æдзухдæр актуалон. Нæ университет лæмбынæг ахуыр кæны ацы æгъдæуттæ, куыд методологион, афтæ практикон æгъдауæй дæр, цæмæй сæ дарддæр æххæст кæна ахуырадон процессы”, – загъта Тенгиз Тиникашвили.
Уымæй уæлдай ма Конференцийы уазджытæн арфæ ракодтой кадджын уазджытæ: Цæгат Ирыстоны Пысылмæтты монон хайады сæрдар Гуæцæлты Хадзымурат; Колыты Аксойы номыл рæстдинон гимназы монон разамонæг сауджын Димитрий Кондратьев; æмæ Уæрæсейы Федерацийы Æхсæнадон палатæйы уæнг, республикæйы адæмыхæттыты ‘хсæн æхсæнадон змæлд «Наша Осетия»-йы сæрдар Лагкути Вячеслав.
Æмбырды официалон хайы рæстæджы бакастысты пленарон докладтæ. Фыццаг доклад бакаст Пятигорскы паддзахадон университеты политикон æмæ этнополитикон иртæстыты наукон-ахуырадон центры сæргълæууæг, политикон зонæдты доктор, профессор Майя Аствацатурова. Уый дзырдта Цæгат Кавказы адæмыхæттыты ‘хсæн ахастыты позитивон динамикæйыл 2036 азмæ Паддзахадон националон политикæйы ноггонд Стратегийы руаджы, фæнысан кодта, регион кæй свæййы ног æгъдæуттæ фæлварыны сæйраг платформæ.
Политикон наукæты доктор æмæ Уæрæсейы зонæдты академийы этнологи æмæ антропологийы институты æмæ Уæрæсейы зонæдты академийы философийы институты минæвар Али Салгириев раныхас кодта Цæгат Кавказы институционалон æмæ параллелон пысылмон дины æмцæрæнбоныл, бацамыдта дины æхсæнадтимæ диалоджы ног механизмтæ саразыны хъæугæдзинад.
Историон зонæдты доктор, профессор æмæ Цæгат Кавказы паддзахадон университеты иумæйаг историйы кафедрæйы сæргълæууæг Дудайти Альберт æркаст адæмыхæттытæ æмæ динты ‘хсæн сабырадмæ куыд регионалон æдасдзинады ахсджиагдæр æууæлмæ, фæнысан кодта, Кавказы адæмты ‘хсæн æмцарды историон фæлтæрддзинад кæй дæтты æууæнкджын бындур нырыккон фарстытæ аиуварс кæнынæн.
Пленарон æмбырдты кæронбæттæн доклад бакаст философийы зонæдты доктор æмæ Мелитополы паддзахадон университеты уголовон барады кафедрæйы сæргълæууæг Нина Щербакова. Уый йæ хъус æрдардта барадон менталитет ивынмæ æмæ Уæрæсейы историон территоритыл этноконфессионалон ахастытæ гармонизаци кæныны æнæмæнгхъæуындзинадмæ, цæмæй фидардæр уа националон æдасдзинад.
Конференци адарддæр дыууæ тематикон секцийы: «Уæрæсейы Федерацийы Паддзахадон национ политикæйы стратеги реализаци кæныны сæйраг здæхтытæ» æмæ «Национ политикæйы реализацийы миниуджытæ абоны уавæрты». Мадзалы ма уыд ныхас Уæрæсейы Федерацийы национ политикæйы трансформацийы тыххæй абон. Ныхасы архайдтой регионы раззагдæр университетты æмæ æхсæнадон организациты минæвæрттæ.
Конференци ацыд Цæгат Ирыстоны национ политикæ æмæ æддагон бастдзинæдты министрады фæндмæ гæсгæ æмæ йæ сарæзта Цæгат Ирыстон-Аланийы паддзахадон университеты
Координацион центр.
В Северной Осетии обсудили реализацию национальной политики в новых геополитических условиях