Цæгат Ирыстоны Хетæгкаты Къостайы номыл паддзахадон университеты хуымгæнæны мæйы 23-25 бонты ацæудзæн регионты ‘хсæн наукон-практикон конференци, «Гармонизация межнациональных и межрелигиозных отношений как фактор стабильности в регионе». Архайдзысты дзы Цæгат Кавказы федералон зылды, Уæрæсейы æндæр регионты зонадон æхсæнады минæвæрттæ, республикæйы барадон органтæ, дин æмæ адæмыхæттыты ‘хсæн ахастытæ æвзарæг эксперттæ.
Фембæлды ныхас цæудзæн ныры уавæры Уæрæсейы регионты национ политикæ æххæст кæныны æгъдæуттыл. Уæлдай хъусдард цæудзæн экстремистон идеологийы рабæрæг æмæ нейтрализацийы нырыккон методтæм – архайджытæ дзурдзысты ацы тæссагдзинæдты ныхмæ тохы хуыздæр гæнæнтыл.
Конференци райдайдзæн хуымгæнæны 24-æм бон 10:00 сахатыл Цæгат Ирыстоны паддзахадон университеты наукон библиотекæйы. Пленарон æрбадты сæ докладтæ бакæсдзысты зындгонд ахуыргæндтæ истори, политологи æмæ философийы къабазы. Сæ раныхас здæхт уыдзæн нациты, адæмыхæттыты æмæ динты ‘хсæн ахастыты нырыккон ахастытæм. 12:00 сахатыл райдайдзысты дыууæ тематикон секцийы: «Уæрæсейы Федерацийы паддзахадон национ политикæйы стратеги æххæст кæныны сæйраг здæхтытæ» æмæ «Национ политикæйы æххæсты миниуджытæ абоны уавæрты».
Конференцийы ма ацæудзæн æрбадт Уæрæсейы Федерацийы национ политикæйы нырыккон æмвæзадыл трансформацийы фæдыл. Архайдзысты дзы университетты æмæ æхсæнадон уагдæтты минæвæрттæ.
Архайджытæн бацæттæ кодтой культурон программæ дæр. Конференцийы кæронбæттæн бон уыдзæн экскурси республикæйы историон æмæ культурон цыртдзæвæнтыл, уыимæ бабæрæг кæндзысты Цæгат Ирыстоны Национ музей, стæй Дзæуджыхъæу æмæ регионы иннæ районты зынгæ бынæттæ.
Конференци арæзт æрцæудзæн Цæгат Ирыстоны национ политикæ æмæ æддагон бастдзинæдты министрады курдиатмæ гæсгæ.
В Северной Осетии обсудят вопросы гармонизации межнациональных отношений