Цæгат Ирыстоны паддзахадон университеты æрдзон зонæдтæ æмæ технологиты факультеты дыккæгæм курсы студенткæ Мамиаты Кристинæ бацыд Уæрæсейы Федерацийы æрдзон æвæрæнтæ æмæ экологийы Министрад æмæ доны ресурсты Федералон агентады иумæйаг архайдимæ бацæттæгонд Уæрæсейы гом фæсивæдон доны конкурсы суперфиналистты хыгъдмæ.
Конкурсмæ балæвæрдтой 1500 проекты бæрц бæстæйы алы рæттæй. Суперфиналистты хыгъдмæ бацыдысты 25 архайæджы Уæрæсейы 22 регионæй æмæ дыууæ фæсарæйнаг бæстæйæ.
Йæ проект «Урухы цæугæдонæн геоэкологион аргълæвæрд» нымад æрцыд «Доны фæрæзтæ хъахъхъæнын æмæ сног кæнын»-ы категоримæ. Иртасæны практикон хаймæ хаудысты цæстдард æмæ лабораторон доны анализ.
Куысты хатдзæгтæм гæсгæ рабæрæг цæугæдоны бæрзонд хæрзхъæддзинад æмæ æвæрццаг экологион уавæр. Хъæддыхдзинад, нитрат æмæ карбонаты æвдисæнтæ дзуапп дæттынц санитарон стандарттæн. Бæрæггонд æрцыд зынгæ эрозион потенциал дæр, уый дзурæг у доны цыдæн йæ бон кæй у ныппырх кæнын, æхсын æмæ ласын дуртæ, зæхх æмæ хуыр.
Студенты зонадон разамонæг у ЦИПУ-йы паддзахадон университеты экологи æмæ æрдзæй пайда кæныны кафедрæйы хистæр ахуыргæнæг Абайты Аленæ.
“Фыццаджыдæр, ерыстæ сты ног фæлтæрддзинæд æмæ фадат дæ комфортон фадыгæй рацæуынæн æмæ дæ гæнæнтæ бафæлварынæн. Алы къæпхæныл дæр ныфсджындæр кæнын: рæдыдтытæй нал тæрсын æмæ хуыздæр æмбарын, дарддæр мæ куыд архайын хъæуы. Архайыны фæрцы фæхуыздæр сты æхсæнадон раныхасы арæхстдзинæдтæ — ныр мæ бон у мæ хъуыдытæ бæлвырд кæнын, мæ хъуыды бахъахъхъæнын. Уый ма у стыр фадат, ме ‘мгуыст чи кæны ахæм ног зонгæтæ ссарынæн», – загъта Кристинæ.
Ерысты суперфинал ацæудзæн Мæскуыйы хуымгæнæны мæйы19 – 21-æм бонты. Архайджытæ сæ проекттæ равдисдзысты экспертон æхсæнадæн плакатон презентациты фæрцы. Уæлахиздзаутæн фадат уыдзæн архайын уæрæсейаг æмæ дунеон стажировкæты æмæ конкурсты.
Геоэкологический проект студентки СОГУ вышел в финал федерального конкурса