Дзæуджыхъæуы райдыдта, йе `’нæниздзинад хъыгдард кæмæн у, уыдонæн профессионалон дæсныйæдтæй X-æм регионалон чемпионат «Абилимпикс».
Ацы аз Цæгат Ирыстоны паддзахадон университет фыццаг хатт уыдзæн чемпионаты фæзуæттæй иу.
Æдæппæт чемпионаты архайдзысты æртæ кары категорийы 370 ерысгæнæджы: скъоладзаутæ, студенттæ æмæ специалисттæ.
Архайджытæн сæ бон уыдзæн сæхи бафæлварын 45 компетенцийы, уыцы нымæцы ирон чъиритæ фыцын, робототехникæ, медицинон хойы куыст, плакаттæ аразын, стæй æххæстгæнæн арæхстдзинæдтæ æмæ æндæртæ. Уымæй уæлдай ма, архайджытæн ацы аз уыдзæн фадат 8 ног фæзилæны архайын:
- «Гид-фæндагамонæг»;
- «Æххæстгæнæн дæсныйад»;
- «Карвинг»;
- «Цифрон информацийыл куысты дæсны»;
- «Психологи»;
- «Рестораны лæггад»;
- «Робототехникæ»;
- «Электронон кусæнгæрзтæ æмбырд кæнын æмæ халын»;
- «Экономикæ и бухгалтерон хыгъд».
Чемпионат цæудзæн хуымгæнæны мæйы 14-23 бонты. Чемпионаты мадзæлттæ ацæудзысты ЦИПУ-йы хуымгæнæны мæйы 21 æмæ 23 бонты «Экономикæ æмæ бухгалтерон хыгъд» æмæ «Психологи»-йы къабæзты.
Чемпионат сарæзтой республикæйы ахуырад æмæ наукæйы Министрад, Цæгат Ирыстоны базарадон-экономикон колледж æмæ Регионалон центр «Абилимпикс» платформæ «Россия – страна возможностей»-ы æххуысæй.
«Абилимпикс»-ы чемпионаты змæлд æххуыс кæны йе ‘нæниздзинад хъыгдард кæмæн у, уыцы адæмæн куыст равзарыны æмæ сæхи æхсæнады хай æнкъарынады.
