Цæгат Ирыстоны паддзахадон университеты иу мæйы дæргъы цыд Гом дуæртты бонтæ, æрбаиу кодтой алыхуызон факультеттæ æмæ ахуырадон фадгуытæ. Фидæны абитуриенттæн сæ бон уыд базонгæ уæвын ахуырадон программæтимæ, ныхас кæнын ахуыргæнджытимæ æмæ студенттимæ, стæй ма ахуыры спецификæ практикæйы фенын.
Æрдзон зонæдтæ æмæ технологиты факультеты программæ уæлдай ирд уыдис. Ам скъоладзауты базонгæ кодтой профилон хайæдты куыстимæ лекциты уылты, мастер-классты æмæ лабораторон равдыстыты фæрцы. Афтæмæй архайджытæ базонгæ сты дзыхы микрофлорæйы темæимæ: равдыстой сын препараттæ цæттæ кæныны мадзал æмæ сын бамбарын кодтой адæймаджы æнæниздзинад бахъахъхъæныны микроорганизмты нысаниуæг.
Биоэкологи æмæ удæгас системæты молекулярон-генетикон бындурты кафедрæйы скъоладзаутæн радзырдтой хихджын зайæгойты тыххæй, сæ биологон миниуджытæ æмæ горæты ландшафты дизайны пайда кæныны тыххæй. Лекцион блокмæ бацыдысты органикон дунейы эволюци, куыд удæгас æрдзы рæзты æнæрлæугæ процесс.
Уæлдай хъусдард æрцыд «Субклеткæты структурæты лабораторийы» куыстмæ, скъоладзаутæн бамбарын кодтой буары ныхмæлæуды миниуджытæ гипоксийы ныхмæ æмæ нырыккон мадзæлттæ дудгæ процесстæ ахуыр кæнынмæ. Фембæлдтæ цыдысты комкоммæ эфиры: архайджытæ активонæй лæвæрдтой фарстытæ æмæ æруынаффæ кодтой, цы фехъуыстой, ууыл, равдыстой цымыдисдзинад биологон иртасынæдтæм.
Дарддæр абитуриентты суазæг кодта рог промышленносты продукцийы конструировани æмæ дизайны кафедрæ. Уазджытæн радзырдтой бацæуыны уавæрты тыххæй, равдыстой ахуырадон программæтæ æмæ реалон студентон проекттæ нывæфтыдтæ аразынæй райдай æмæ цæттæ уæлæдарæсы коллекцитæм. Уæлдай æргом аздæхтой ахуырты сфæлдыстадон хаймæ, практикон ахуыртæ æмæ дарддæры куысты фадæттæм.
Физикæ æмæ астрономийы кафедрæ сарæзта фембæлд, йæ фæлгæтты скъоладзаутæ базыдтой æнæпилотон тæхæг хæдтæхджыты тыххæй, равдыстой сын сæ хуызтæ æмæ сын бамбарын кодтой сæ куысты уагæвæрдтæ – навигацион системæтæй нырыккон райрæзтыты онг. Программæ фæци космос æмæ космосон технологиты тыххæй лекцийæ.
Математикон æмæ компьютерон зонæдты факультет æрлæууыд интерактивон форматыл. Администраци æмæ ахуыргæнджытимæ фембæлды фæстæ, скъоладзаутæ аныхас кодтой студенттимæ æмæ лæвæрдтой фæрстытæ ахуырадон процесс æмæ студентон царды тыххæй. Практикон хаймæ бацыдысты киберæдасдзинадæй мастер-класс, архайджытæ райстой бындурон æмбарынад бæрæггæнæнты хъахъхъæныны æмæ нырыккон цифрон тæссагдзинæдты тыххæй.
Физкультурæ æмæ спорты факультеты гом дуæртты бон уыд экскурси æмæ комкоммæ ныхас. Студенттæн равдыстой аудиторитæ æмæ тренажерон залтæ, стæй университеты ног футболон комплекс. Фембæлды рæстæджы факультеты минæвæрттæ лæмбынæг радзырдтой ахуырмæ райсты уагæвæрдтæ æмæ ахуырадон программæты тыххæй, фæнысан кодтой, рауагъдонтæн сæ бон кæй у æнтыстытджынæй равдисын æрмæст ахуыргæнæгæй нæ, фæлæ ма профессионалон тренерæй дæр. Программæ ахицæн гом диалогæй, фидæны студенттæн фадат уыд ахуыргæнджытæ æмæ студенттæн сæрмагонд фарстытæ раттын.
Æхсæнадæмон ахастдзинæдты факультет равдыста цалдæр программон фæзилæны. Англисаг æмæ романо-гермайнаг филологийы кафедрæтæ скъоладзауты æркодтой цымыдисон балцмæ фæсарæйнаг æвзæгты дунемæ: архайджытæ базыдтой факультеты истори æмæ йæ абоны авналæнтæ, æмæ аныгъуылдысты йæ культурон контексты – Уильям Шекспиры уацмыстæй Франц æмæ Германийы тыххæй цымыдисон факттæм. Фембæлд фæцис æвзагзонынады æмæ регионалон зонæдты викторинæтæй, ахуыргæджытæ æмæ студентты разамындæй.
Æхсæнадæмон экономикон ахастыты кафедрæ акцент скодтой практикон бацæуæныл. Фидæны студентты базонгæ кодтой «Глобалон экономикæ»-йы программæимæ æмæ сæ уый фæстæ фæхуыдтой интерактивон хъуыддагон хъæзтыты архайынмæ. Скъоладзаутæ фæлвæрдтой аргъ кæнын æндæр бæстæты царды æмвæзадæн, анализ кодтой дунеон экономикон факттæн æмæ сын сæ растдзинад сбæрæг кæнын, уый сын фадат лæвæрдта хъазты хуызæн æмбарынад райсынæн дæсныйады бындурты тыххæй.
Аивæдты факультет æргом аздæхтой сфæлдыстадон нывæзтмæ. Уазджытæн сарæзтой интенсивон ахуырадон сесси, базыдтой дзы цæттæдзинады здæхтытæ æмæ ахуыры фадæттæ. Уæлдай цымыдисаг уыдысты студентты куысты равдыст æмæ гæххæттын нуазæнтæ аив кæныны мастер-класс, уый фæрцы архайджытæн сæ бон уыд равдисын сæ аивадон курдиæттæ.
