Цæгат Ирыстоны Хетæгкаты Къостайы номыл паддзахадон университеты «Наукæйы бонты» программæйы фæлгæтты филологон факультеты ахуыргæнæг, литературæиртасæг æмæ фыссæг Девлет Гиреевы райгуырды 110 азы боны цытæн арæзт æрцыд мадзал. Сарæзта йæ уырыссаг филологийы факультет.
Дискусси ацыд университеты Ахуыргонд советы залы æмæ æрæмбырд кодта филологты, æмкусджыты, ахуырдзауты, зонадон кусæджы бинонты уæнгты, стæй студентты. Фойейы æвæрд æрцыд литературæиртасæджы куыстыты равдыст æмæ филологон факультеты, кафедрæйы ахуыргæнджыты æмæ студентты архивон къамтæ.
Ныхасы модератор уыд уырыссаг филологийы факультеты декан Толасти Иринæ. Архайджытæ æрныхас кодтой Девлет Гиреевы æвæрæнтыл уырыссаг ахуырадмæ: зындгонд у куыд краевед, литературæиртасæг, Михаил Булгаковы роман «Мастер и Маргарита»-йы нæ бæстæйы фыццаг равзарæг, стæй Михаил Лермонтовы сфæлдыстады иртасæг. Уый ма у «Лермонтовы энциклопеди»-йы цалдæр уацы автор, СССР фысджыты Цæдисы уæнг, чиныгуарзджыты республикон æхсæнады сæрдар, альманах «Литературная Осетия»-ы редактор.
Ректор Огъуаты Аланы номæй уазджытæн æмæ архайджытæн арфæ ракодта зонадон куыстыты фæдыл ректоры хæдивæг Тенгиз Тиникашвили.
«Девлет Гиреев у æцæг диссаджы адæймаг, кæцы йæ цард снывонд кодта Михаил Лермонтов æмæ Михаил Булгаковы сфæлдыстад ахуыр кæнын æмæ парахат кæнынæн. Ахсджиаг у ахуыргонды зонадон бынтæ фидæны фæлтæртæм хæццæ кæнын, уымæ гæсгæ уæлдай æхсызгон у аудиторийы фенын фæсивæды, кæцытæ тырнынц адæмы зæрдæтæ судзынмæ, сæ ныхæстæй æмæ сæ иртасæнтæй гæххæттытæ абон уæлдай цымыдисдзинад æвзæрын кæнынц», – фæнысан кодта уый.
Дискуссийы фæстæ архайджытæ бакастысты докладтæ ахуыргонды цард æмæ карьерæйы тыххæй. Уырыссаг æмæ фæсарæйнаг литературæйы кафедрæйы сæргълæууæг Ханайты Зæринæ бакаст Девлет Гиреевы царды æмæ йæ хъысмæты сæйраг къæпхæнты тыххæй доклад.
Иртасæджы чызг Маринæ Гиреева йæ раныхасы фæнысан кодта йæ фыды æнувыддзинад йæ куыстыл æмæ бузныджы ныхæстæ загъта, йæ мысæн ын кæй бахъахъхъæдтой æмæ йæм рæзгæ фæлтæр цы хъусдард здахынц, уый тыххæй.
Йæ ахуыргæнæджы тыххæй йæ мысинæгтæ радзырдта филологийы зонæдты кандидат æмæ Цæгат Ирыстоны фысджыты Цæдисы сæрдар Хозиты Барис. Абысалты Раисæ, В.И. Абаевы номыл Цæгат Ирыстоны гуманитарон æмæ социалон институты зонадон архивы сæргълæууæг бакаст доклад Девлет Гиреевыы зонадон архивы тыххæй. Уырыссаг æмæ фæсарæйнаг литературæйы кафедрæйы доцент Бесолты Фатимæ раиртæста Гиреевы бынат куыд ахуыргонд æмæ ахуыргæнæг. Филологийы наукæты доктор æмæ уырыссаг æмæ фæсарæйнаг литературæйы кафедрæйы доцент Борис Кунавин æркаст ЦИПУ-йы филологон факультеты историйы зонадон кусæджы бынатмæ.
Уый фæстæ уырыссаг филологийы факультеты студенттæ бакастысты сæ иртасæн куыстытæ фыссæджы сфæлдыстады тыххæй. Сæ зонадон разамонæг уыд филологийы зонæдты кандидат æмæ уырыссаг æмæ фæсарæйнаг литературæйы кафедрæйы доцент Оксана Кравчук.
